കേന്ദ്രവുമായി തര്‍ക്കം; ഊര്‍ജിത് പട്ടേല്‍ രാജിക്കൊരുങ്ങുന്നു

Posted on: October 31, 2018 11:17 am | Last updated: October 31, 2018 at 12:52 pm

ന്യൂഡല്‍ഹി: കേന്ദ്ര സര്‍ക്കാരുമായി ഭിന്നത അതിരൂക്ഷമായ സാഹചര്യത്തില്‍ റിസര്‍വ് ബേങ്ക് ഗവര്‍ണര്‍ ഊര്‍ജിത് പട്ടേല്‍ രാജിക്കൊരുങ്ങുന്നതായി സൂചന. പ്രത്യേക അധികാരമുപയോഗിച്ച് കേന്ദ്രസര്‍ക്കാര്‍ റിസര്‍വ് ബേങ്കിന് നിര്‍ദേശങ്ങള്‍ നല്‍കിയതാണ് ഭിന്നത രൂക്ഷമാക്കിയത്.

ആദ്യമായാണു കേന്ദ്രസര്‍ക്കാര്‍ ആര്‍ബിഐ നിയമത്തിലെ ഏഴാംവകുപ്പ് പ്രയോഗിക്കുന്നത്. ബേങ്കിന്റെ സ്വയംഭരണാവകാശത്തിലുള്ള കൈകടത്തലാണ് കേന്ദ്രത്തിന്റേതെന്ന് റിസര്‍ന് ബേങ്ക് ഡെപ്യൂട്ടി ഗവര്‍ണര്‍ ആരോപിച്ചിരുന്നു്. ആര്‍ബിഐ ഗവര്‍ണര്‍ ഊര്‍ജിത് പട്ടേലിന് അടുത്തവര്‍ഷം വരെ കാലാവധിയുണ്ട്.