Kerala
ഷാഫി പറമ്പിലിനെ തിരിച്ചുവിളിക്കാന് ആവശ്യപ്പെട്ടു പരാതി
ഷാഫിയുടെ സ്വന്തം ജില്ലയായ പാലക്കാട് അടക്കം ഏഴ് ജില്ലകളില് നിന്നാണ് പരാതി
കോട്ടയം | ഖത്തറില് ലോകകപ്പ് കാണാന് പോയ യൂത്ത് കോണ്ഗ്രസ് സംസ്ഥാന പ്രസിഡന്റിനെ അടിയന്തരമായി തിരിച്ചുവിളിക്കണമെന്നാവശ്യപ്പെട്ട് അഖിലേന്ത്യാ നേതൃത്വത്തിന് പരാതി.
രണ്ട് സംസ്ഥാന കമ്മിറ്റി അംഗങ്ങളുടേതടക്കം വിവിധ ജില്ലകളില് നിന്നായി ഇരുപതോളം പരാതികളാണ് ഷാഫി പറമ്പിലിനെതിരെ ദേശീയ നേതൃത്വത്തിന് മുന്നിലെത്തിയത്. സര്ക്കാരിനെതിരെ സമരം ചെയ്ത് പ്രവര്ത്തകര് ജയിലില് കഴിയുമ്പോള് പ്രസിഡന്റ് ഖത്തറില് ഉല്ലാസയാത്ര നടത്തുകയാണെന്നാണ് പരാതികളില് പറയുന്നത.് സംസ്ഥാന പ്രസിഡന്റ് ഖത്തറില് കളി ആസ്വദിക്കുമ്പോള് ഒരു കൂട്ടം പ്രവര്ത്തകര് തിരുവനന്തപുരം നഗരസഭയിലെ നിയമന വിവാദത്തിന്റെ പേരില് സമരം ചെയ്ത് പൊലീസിന്റെ തല്ലു വാങ്ങുകയായിരുന്നു. പിന്നീട് ഇവര് പതിനാല് ദിവസത്തേക്ക് റിമാന്ഡിലുമായി.
നാളുകളായി തുടരുന്ന ഈ സംഘടനാ അതൃപ്തികള്ക്കൊടുവിലാണ് ഷാഫി പറമ്പിലിനെതിരെ ദേശീയ നേതൃത്വത്തിന് മുന്നിലേക്ക് പരാതികളെത്തിയത്.
ഷാഫിയുടെ സ്വന്തം ജില്ലയായ പാലക്കാട് അടക്കം ഏഴ് ജില്ലകളില് നിന്നാണ് പരാതി. ദേശീയ പ്രസിഡന്റ് ബി വി ശ്രീനിവാസിന് ഇമെയില് മുഖേനയാണ് പരാതികള് എത്തിയിരിക്കുന്നത്. സര്ക്കാര് തുടര്ച്ചയായ വിവാദങ്ങളില്പ്പെട്ടിട്ടും അതിനെതിരെ സംഘടിതമായൊരു സമരം ചെയ്യാന് പോലും സംസ്ഥാന പ്രസിഡന്റിന്റെ അസാന്നിധ്യം തടസമാകുന്നെന്നാണ് പരാതികളുടെ ഉളളടക്കം.