Narendra Modi
മതത്തിന്റെ പേരില് വോട്ടു തേടല്; നരേന്ദ്ര മോദിക്ക് ക്ലീന് ചിറ്റ് നല്കി തെരഞ്ഞെടുപ്പ് കമ്മീഷന്
മോദി രാമക്ഷേത്രവും കര്ത്താര്പൂര് ഇടനാഴിയും പരാമര്ശിച്ചതില് തെറ്റില്ല.
ന്യൂഡല്ഹി | പ്രധാനമന്ത്രിക്ക് കേന്ദ്ര തെരഞ്ഞെടുപ്പ് കമ്മീഷന്റെ ക്ലീന് ചിറ്റ്. നരേന്ദ്രമോദി മതത്തിന്റെ പേരില് വോട്ടു തേടിയതായി പരിഗണിക്കാന് കഴിയില്ലെന്ന് തെരഞ്ഞെടുപ്പ് കമ്മീഷന്.
മോദി രാമക്ഷേത്രവും കര്ത്താര്പൂര് ഇടനാഴിയും പരാമര്ശിച്ചതില് തെറ്റില്ല. തന്റെ ഭരണ നേട്ടങ്ങള് വിവരിക്കുക മാത്രമാണ് പ്രധാനമന്ത്രി ചെയ്തത് എന്ന് കമ്മീഷന് പറയുന്നു. കമ്മീഷന്റെ അവലോകനയോഗത്തിലാണ് ഈ വിലയിരുത്തല്.
ഇക്കാര്യം ഉടന് പരാതിക്കാരനെ അറിയിക്കും. സുപ്രിം കോടതി അഭിഭാഷകന് ആനന്ദ് എസ് ജോണ്ടാലെ യാണ് പ്രധാനമന്ത്രിക്കെതിരെ കമ്മീഷനില് പരാതി നല്കിയത്. ഏപ്രില് ഒമ്പതിന് പിലിബിത്തിലെ റാലിയില് പ്രധാന മന്ത്രി നടത്തിയ പ്രസംഗത്തിനെതിരെയായിരുന്നു പരാതി. അതേസമയം, രാജസ്ഥാനിലെ വിദ്വേഷ പ്രസംഗ പരാതിയില് ഇതുവരെ കമ്മീഷന് തീരുമാനം എടുത്തിട്ടില്ല.