മേവാനി ഒരു പ്രതീകമാണ്, ഒരു കനത്ത പ്രതീക്ഷയാണ്

സവർണ രാഷ്ട്രീയ സമ്പ്രദായങ്ങളുടെ ഉരുക്കു മുഷ്ടികൾക്കിടയിൽ ആത്മാഭിമാനം നഷ്ടപ്പെട്ടു ജീവിക്കേണ്ട ഗതികേടിലായ ഉണായിലെ ജനങ്ങളെ മോചിപ്പിക്കാൻ ഉറച്ച മനസ്സോടെയാണ് ജിഗ്നേഷ് മേവാനി നിലനിന്നതെന്ന് കോൺഗ്രസ് നേതാവ് ടി എൻ പ്രതാപൻ എം പി ഫേസ്ബുക്കിൽ കുറിച്ചു. രോഹിത് വെമുലയുടെ ജീവത്യാഗത്തെ തുടർന്ന് രാജ്യത്തെ ക്യാംപസുകളിൽ അലയടിച്ച അംബേദ്‌കറൈറ്റ് രാഷ്ട്രീയത്തിന്റെ, ദളിത് സ്വത്വ സാക്ഷാത്കാരത്തിന്റെ ഗ്രാമീണ ഇന്ത്യയിലെ പ്രതീക്ഷാവഹമായ പ്രതിഫലനമായി ഉണായിലെ പോരാട്ടം മാറി. നേരിനും നീതിക്കും വേണ്ടി നിലയുറപ്പിക്കാൻ നാല്പത്തിരണ്ടുകാരനായ മേവാനിക്ക് രണ്ടാമത് ഒന്നാലോചിക്കേണ്ടതില്ല. അത് തന്നെയാണ് ബി ജെ പിയെ ഭയപ്പെടുത്തുന്നത്. അതുകൊണ്ടാണ് ഒരു പീറക്കേസുമായി അസം പോലീസ് ഗുജറാത്തിൽ വന്ന് മേവാനിയെ അറസ്റ്റ് ചെയ്യുന്നത്. കോടതി ജാമ്യത്തിൽ വിടുമ്പോൾ വീണ്ടും അറസ്റ്റ് ചെയ്യുന്നത്. മേവാനി ഒരു പ്രതീകമാണ്. ഒരു കനത്ത പ്രതീക്ഷയാണ്. മേവാനിക്കൊപ്പം നിലയുറപ്പിക്കുക!- അദ്ദേഹം കുറിച്ചു. പോസ്റ്റ് പൂർണരൂപത്തിൽ വായിക്കാം:

ജിഗ്നേഷ് മേവാനി രാജ്യത്ത് ഉദിച്ചുനിൽക്കുന്ന ചുരുക്കം ചില പ്രതീക്ഷാ നക്ഷത്രങ്ങളിലൊന്നാണ്. അടിച്ചമർത്തപ്പെട്ട ദളിത് ജനവിഭാഗങ്ങളുടെ രാജ്യം കണ്ട ഏറ്റവും ഉജ്ജ്വലമായ പ്രക്ഷോഭമാണ് മേവാനിയുടെ നേതൃത്വത്തിൽ ഉനയിൽ നടന്നത്.

മേവാനി ഒരു പ്രതീകമാണ്. ഒരു കനത്ത പ്രതീക്ഷയാണ്. മേവാനിക്കൊപ്പം നിലയുറപ്പിക്കുക!