Kerala
സംസ്ഥാനത്തെ ഹോസ്പിറ്റലുകളില്‍ തൊഴില്‍ വകുപ്പിന്റെ പരിശോധന ; 1810 നിയമലംഘനങ്ങള്‍ കണ്ടെത്തി
34235 തൊഴിലാളികള്‍ ജോലി ചെയ്യുന്നതില്‍ 628 പേര്‍ക്ക് മിനിമം വേതനം ലഭിക്കുന്നില്ലെന്ന് കണ്ടെത്തി
തിരുവനന്തപുരം | സംസ്ഥാനത്തെ ഹോസ്പിറ്റലുകളില്‍ തൊഴില്‍ വകുപ്പിന്റെ പരിശോധന. നാലു ദിവസമായി നടത്തി വന്ന പരിശോധനയില്‍ 1810 നിയമലംഘനങ്ങള്‍ കണ്ടെത്തിയതായി ലേബര്‍ കമ്മീഷണര്‍ അര്‍ജുന്‍ പാണ്ഡ്യന്‍ അറിയിച്ചു. 110 ഹോസ്പിറ്റലുകളില്‍ നടത്തിയ പരിശോധനയിലാണ് നിയമലംഘനങ്ങള്‍ കണ്ടെത്തിയത്.
34235 തൊഴിലാളികള്‍ ജോലി ചെയ്യുന്നതില്‍ 628 പേര്‍ക്ക് മിനിമം വേതനം ലഭിക്കുന്നില്ലെന്ന് കണ്ടെത്തി. ഇതിനുപുറമേ 1182 നിയമലംഘനങ്ങളും കണ്ടെത്തി. തൊഴില്‍ നിയമങ്ങള്‍ അനുശാസിക്കുന്ന സമയപരിധിക്കുള്ളില്‍ നിയമലംഘനങ്ങള്‍ പരിഹരിച്ച് റിപ്പോര്‍ട്ട് സമര്‍പ്പിക്കണം. അല്ലാത്തപക്ഷം കര്‍ശന നടപടികള്‍ സ്വീകരിക്കുമെന്നും കമ്മീഷണര്‍ അറിയിച്ചു.
റീജിയണല്‍ ജോയിന്റ് ലേബര്‍ കമ്മീഷണര്‍മാര്‍, ജില്ലാ ലേബര്‍ ഓഫീസര്‍മാര്‍, അസിസ്റ്റന്റ് ലേബര്‍ ഓഫീസര്‍മാര്‍ എന്നിവരുടെ നേതൃത്വത്തിലായിരുന്നു പരിശോധന.
കേരള ഷോപ്സ് ആന്റ് കൊമേഴ്സ്യല്‍ എസ്റ്റാബ്ലിഷ്മെന്റ് നിയമം, മിനിമം വേതന നിയമം, പേയ്മെന്റ് ഓഫ് വേജസ് നിയമം, മെറ്റേണിറ്റി ബെനഫിറ്റ് നിയമം, നാഷണല്‍ ആന്‍ഡ് ഫെസ്റ്റിവല്‍ ഹോളിഡേയ്സ് നിയമം എന്നീ തൊഴില്‍ നിയമങ്ങളുടെ അടിസ്ഥാനത്തിലാണ് പരിശോധന.
Latest
ഹജ്ജ് ക്യാമ്പില് വിപുലമായ സൗകര്യങ്ങള്
തദ്ദേശ വാര്ഡ് വിഭജനം: ഓരോ വാര്ഡ് കൂടും; ഓര്ഡിനന്സ് ഇറക്കാന് മന്ത്രിസഭാ തീരുമാനം
പിണറായി സര്ക്കാറിന് നാലാം വര്ഷം
ഹജ്ജ് ക്യാമ്പിന് തുടക്കം; ആദ്യസംഘം പുറപ്പെട്ടു, ആദ്യ വിമാനത്തില് 166 പേര്
മോദി യു ടേണ് മമത
ബി ജെ പിക്ക് വേണ്ടി കള്ളവോട്ട്: പതിനേഴുകാരന് പിടിയില്; റീ പോളിംഗ് ശിപാര്ശ
