Kerala
520 കോടിയുടെ കൊക്കെയിന് കൂടി പിടികൂടി; ഇതിന് പിന്നിലും വിജിനും മന്സൂറും
ഗ്രീന്ആപ്പിള് കാര്ട്ടന്റെ മറവിലാണ് ഇത്തവണ 520 കോടിയുടെ കൊക്കെയിന് കടത്ത് നടന്നത്.
കൊച്ചി | പഴം ഇറക്കുമതിയുടെ മറവില് 1470 കോടിയുടെ മയക്ക്മരുന്ന് കടത്തിയ മലയാളികള്ക്കായി വന്ന 520 കോടിയുടെ കൊക്കെയിന് കൂടി ഡി ആര് ഐ പിടികൂടി. മലയാളികളായ വിജിന് വര്ഗീസും മന്സൂര് തച്ചംപറമ്പിലുമാണ് വന് ലഹരിക്കടത്ത് നടത്തിയത്. ഓറഞ്ച് കാര്ട്ടിന്റെ മറവിലായിരുന്നു 1470 കോടി രൂപയുടെ ലഹരിക്കടത്ത് നടത്തിയത്. ഗ്രീന്ആപ്പിള് കാര്ട്ടന്റെ മറവിലാണ് ഇത്തവണ 520 കോടിയുടെ കൊക്കെയിന് കടത്ത് നടന്നത്. ശനിയാഴ്ച പുലര്ച്ചെയായിരുന്നു ഡിആര്ഐയുടെ ഓപ്പറേഷന്.മന്സൂര് തച്ചംപറമ്പിലിന്റെ ജോഹന്നാസ് ബര്ഗിലെ മോര്ഫ്രഷ് എന്ന സ്ഥാപനം വിജിന് വര്ഗീസിന്റെ കൊച്ചി ആസ്ഥാനമായ യമ്മിറ്റോ ഇന്റര്നാഷണല് ഫുഡ്സ് ഇന്ത്യാ പ്രൈവറ്റ് ലിമിറ്റഡിന്റെ ലൈസന്സ് ഉപയോഗിച്ചാണ് ലഹരി ഇറക്കുമതി നടത്തിയിരിക്കുന്നത്.
സംഭവവുമായി ബന്ധപ്പെട്ട് കാലടി സ്വദേശിയായ വിജിന് വര്ഗീസിനെ നേരത്തെ അറസ്റ്റ് ചെയ്തിരുന്നു. മുഖ്യ സൂത്രധാരനെന്ന് കരുതുന്ന മന്സൂറിനായി ഇന്റര്പോളിന്റേയടക്കം സഹായം തേടിയിരിക്കുകയാണ് ഡി ആര് ഐ.