മാക്കൂട്ടം-ചുരം പാതയില്‍ ബസ് മരത്തിലിടിച്ച് ഡ്രൈവര്‍ മരിച്ചു; കണ്ടക്ടര്‍ക്ക് ഗുരുതര പരുക്ക്

ഇരിട്ടി | മാക്കൂട്ടം-ചുരം അന്തര്‍ സംസ്ഥാനപാതയില്‍ കര്‍ണാടക സ്ലീപ്പര്‍ കോച്ച് ബസ് നിയന്ത്രണംവിട്ട് മരത്തിലിടിച്ചുണ്ടായ അപകടത്തില്‍ ഡ്രൈവര്‍ മരിച്ചു. ബെംഗളൂരു മല്ലേശ്വരം സ്വദേശി സ്വാമി (42) ആണ് മരിച്ചത്.അപകടത്തില്‍ യാത്രക്കാരായ പതിനഞ്ചോളം പേര്‍ക്ക് പരുക്കേറ്റു.

ബെംഗളൂരുവില്‍നിന്ന് കണ്ണൂരിലേക്ക് വരികയായിരുന്ന ബസാണ് ചുരംപാതയില്‍ മെതിയടി പാറക്ക് സമീപം അപകടത്തില്‍പ്പെട്ടത്‌. പുലര്‍ച്ചെ നാലുമണിയോടെയായിരുന്നു അപകടം. ഗുരുതര പരുക്കേറ്റ കണ്ടക്ടര്‍ പ്രകാശ് വീരാജ്‌പേട്ട താലൂക്ക് ആശുപത്രിയില്‍ ചികിത്സയിലാണ്. ബസില്‍ ജീവനക്കാരടക്കം 22 യാത്രക്കാരാണ് ഉണ്ടായിരുന്നത്.