Hijab Row in Karnataka
ശിരോവസ്ത്ര തീരുമാനം കൊളജ് സമിതിക്ക് വിടുന്നത് നിയമവിരുദ്ധമാണെന്ന് ഹരജിക്കാര്‍; കര്‍ണാടക ഹൈക്കോടതിയില്‍ വാദംകേള്‍ക്കല്‍ പുരോഗമിക്കുന്നു
സ്ത്രീകള്‍ തലമറക്കുകയെന്നത് ഇസ്ലാമില്‍ നിര്‍ബന്ധമാണെന്നും ഇന്ത്യയില്‍ ശിരോവസ്ത്രം നിരോധിക്കുന്ന നിയമം എവിടെയാണുള്ളതെന്നും വിദ്യാര്‍ഥികളുടെ അഭിഭാഷകന്‍ ചോദിച്ചു.
ബെംഗളൂരു | ഉഡുപ്പിയിലെ കോളജില്‍ ശിരോവസ്ത്രം നിരോധിച്ച നടപടി ചോദ്യം ചെയ്ത് വിദ്യാര്‍ഥികള്‍ സമര്‍പ്പിച്ച ഹരജിയില്‍ കര്‍ണാടക ഹൈക്കോടതിയില്‍ വാദം കേള്‍ക്കല്‍ പുരോഗമിക്കുന്നു. ഉച്ചക്ക് രണ്ടരക്ക് ശേഷമാണ് ഹൈക്കോടതിയില്‍ വാദം കേള്‍ക്കല്‍ ആരംഭിച്ചത്. ചീഫ് ജസ്റ്റിസ് റിതു രാജ് അശ്വതി, ജസ്റ്റിസുമാരായ കൃഷ്ണ എസ് ദീക്ഷിത്, എം ഖാസി എന്നിവരടങ്ങിയ ഫുള്‍ ബെഞ്ചാണ് വാദം കേൾക്കുന്നത്. ഹരജിക്കാര്‍ക്ക് വേണ്ടി മുതിര്‍ന്ന അഭിഭാഷകന്‍ ദേവദത്ത് കമ്മത്ത് ഹാജരായി. വിഷയത്തില്‍ മാധ്യമങ്ങള്‍ കൂടുതല്‍ ഉത്തരവാദിത്വം കാണിക്കണമെന്ന് ഹൈക്കോടതി അഭ്യര്‍ഥിച്ചു.
ശിരോവസ്ത്രം ധരിച്ച് ക്ലാസുകളില്‍ പങ്കെടുക്കാന്‍ വിദ്യാര്‍ഥികളെ അനുവദിച്ച് വിദ്യാഭ്യാസം തുടരാനുള്ള സ്ഥിതി സംജാതമാക്കണമെന്ന് ഹരജിക്കാര്‍ വാദിച്ചു. സ്ത്രീകള്‍ തലമറക്കുകയെന്നത് ഇസ്ലാമില്‍ നിര്‍ബന്ധമാണെന്നും ഇന്ത്യയില്‍ ശിരോവസ്ത്രം നിരോധിക്കുന്ന നിയമം എവിടെയാണുള്ളതെന്നും വിദ്യാര്‍ഥികളുടെ അഭിഭാഷകന്‍ ചോദിച്ചു. ശിരോവസ്ത്ര വിഷയത്തില്‍ തീരുമാനം കൈക്കൊള്ളാന്‍ കൊളജ് സമിതിക്ക് നിയമപരമായ അവകാശമില്ലെന്നും അഭിഭാഷകന്‍ ചൂണ്ടിക്കാട്ടി.
Latest
മോദി വീണ്ടും അയോധ്യയില്; റോഡ് ഷോ നടത്തി
മാഹി ബൈപാസില് നിന്നും പുഴയിലേക്ക് ചാടി രണ്ട് പെണ്കുട്ടികള്; സാഹസികമായി രക്ഷിച്ച് നാട്ടുകാര്
കേരള തീരത്ത് കള്ളക്കടല് പ്രതിഭാസം തുടരും; നാളെയും ഓറഞ്ച് അലര്ട്ട്
നീറ്റില് 'നീറ്റ്' ; മികച്ച സൗകര്യങ്ങളൊരുക്കി മഅദിന് അക്കാദമി
ലൈംഗിക പീഡനക്കേസ്; എച്ച് ഡി രേവണ്ണയെ പോലീസ് കസ്റ്റഡിയില് വിട്ടു
കല്ലടയാറ്റില് രണ്ട് വിദ്യാര്‍ഥികള്‍ മുങ്ങിമരിച്ചു
