KM SHAJI
വിജിലൻസ് പിടിച്ചെടുത്ത പണം വിട്ടുകിട്ടാൻ കെ എം ഷാജി സമർപ്പിച്ച ഹരജിയിൽ നവംബർ ഒന്നിന് വിധി
ഷാജിയുടെ അഴീക്കോട്ടെ വീട്ടില്‍ നിന്ന് പിടികൂടിയ 47.35 ലക്ഷം രൂപ വിട്ടുകിട്ടണമെന്നാവശ്യപ്പെട്ടാണ് ഹരജി.
കോഴിക്കോട് | മുസ്‌ലിം ലീഗ് നേതാവും മുൻ എം എൽ എയുമായ കെ എം ഷാജിയുടെ വീട്ടില്‍ നിന്ന് പിടികൂടിയ തുക വിട്ടുകിട്ടണമെന്നാവശ്യപ്പെട്ട് അദ്ദേഹം സമര്‍പ്പിച്ച ഹരജിയില്‍ വിജിലന്‍സ് പ്രത്യേക ജഡ്ജ് ടി മധുസൂദനന്‍ നവംബര്‍ ഒന്നിന് വിധി പറയും. ഷാജിയുടെ അഴീക്കോട്ടെ വീട്ടില്‍ നിന്ന് പിടികൂടിയ 47.35 ലക്ഷം രൂപ വിട്ടുകിട്ടണമെന്നാവശ്യപ്പെട്ടാണ് ഹരജി. ഹരജിയില്‍ വിജിലന്‍സ് സ്‌പെഷ്യല്‍ സെല്‍ എതിര്‍ സത്യവാങ്മൂലം നല്‍കിയിരുന്നു.
ഷാജി തിരഞ്ഞെടുപ്പ് കമ്മീഷനിൽ കാണിച്ചത് ചെറിയ തുകയാണെന്ന് വിജിലന്‍സ് പ്രോസിക്യൂട്ടര്‍ അഡ്വ. വി കെ ശൈലജന്‍ വാദിച്ചു. പിടികൂടിയ തുക അതിന്റെ പരിധിയില്‍ പെടില്ല. തിരഞ്ഞെടുപ്പ് കമ്മീഷന്‍ രേഖകള്‍ പ്രകാരം ആറ് ലക്ഷത്തിലേറെ രൂപ മാത്രമേ ഷാജി ചെലവഴിച്ചതായി കാണിക്കുന്നുള്ളൂ.
പിടികൂടിയയത്ര പണം കണക്കില്‍ തന്നെ വരുന്നില്ലെന്നും അദ്ദേഹം വാദിച്ചു. പണം കണ്ടെടുത്ത സ്ഥലം അദ്ദേഹത്തിന്റെ തിരഞ്ഞെടുപ്പ് ഓഫീസാണെന്നാണ് ഷാജിയുടെ അഭിഭാഷകന്‍ അഡ്വ. എം ശഹീര്‍ സിംഗ് വാദിച്ചത്.
Latest
മൂന്ന് സ്വതന്ത്ര എം എല്‍ എമാര്‍ പിന്തുണ പിന്‍വലിച്ചു; ഹരിയാനയില്‍ ബി ജെ പി സര്‍ക്കാര്‍ പ്രതിസന്ധിയില്‍
വധശിക്ഷ നടപ്പാക്കാനിരിക്കേ മകന്റെ കൊലയാളിക്ക് മാപ്പ് നല്‍കി സഊദി പിതാവ്
സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത; നാളെ ഇടുക്കി, മലപ്പുറം ജില്ലകളില്‍ മഞ്ഞ ജാഗ്രത
ഭർത്താവിനെ ക്രൂരമായി മര്‍ദിച്ച് കൊലപ്പെടുത്താന്‍ ശ്രമം;യുവതി അറസ്റ്റില്‍
നൂറുകണക്കിന് നിക്ഷേപകരില്‍ നിന്ന് 500 കോടിയോളം രൂപ തട്ടിയെടുത്തു; ഫിനാന്‍സ് ഉടമയും കുടുംബവും അറസ്റ്റില്‍
വെസ്റ്റ് നൈല്‍ പനി ; ആശങ്ക വേണ്ട, കൊതുക് നിവാരണവും ഉറവിട നശീകരണവും അനിവാര്യമെന്ന് ആരോഗ്യ മന്ത്രി
