Kerala
റാപ്പര്‍ വേടനെതിരെ വിദ്വേഷ പരാമര്‍ശം; കേസരി മുഖ്യപത്രാധിപര്‍ എന്‍ ആര്‍ മധുവിന്റെ അറസ്റ്റ് രേഖപ്പെടുത്തി
കൊല്ലം കിഴക്കേ കല്ലട പോലീസ് സ്റ്റേഷനില്‍ ഹാജരായ മധുവിന്റെ മൊഴി രേഖപ്പെടുത്തിയ ശേഷം ആള്‍ ജാമ്യത്തില്‍ വിട്ടയച്ചു.
കൊല്ലം | റാപ്പര്‍ വേടനെതിരെ വിദ്വേഷ പരാമര്‍ശം നടത്തിയ കേസില്‍ കേസരി മുഖ്യപത്രാധിപര്‍ എന്‍ ആര്‍ മധുവിന്റെ അറസ്റ്റ് പോലീസ് രേഖപ്പെടുത്തി. കൊല്ലം കിഴക്കേ കല്ലട പോലീസ് സ്റ്റേഷനില്‍ ഹാജരായ മധുവിന്റെ മൊഴി രേഖപ്പെടുത്തിയ ശേഷം ആള്‍ ജാമ്യത്തില്‍ വിട്ടയച്ചു.
സി പി എം കിഴക്കേ കല്ലട ലോക്കല്‍ സെക്രട്ടറി വേലായുധന്റെ പരാതിയിലാണ് എന്‍ ആര്‍ മധുവിനെതിരെ കേസെടുത്തത്. വേടന്റെ പാട്ടുകള്‍ ജാതി ഭീകരവാദം പ്രചരിപ്പിക്കുന്നവയാണെന്നായിരുന്നു മധുവിന്റെ പരാമര്‍ശം. കൊല്ലം കുണ്ടറയിലെ ക്ഷേത്ര പരിപാടിയിലാണ് മധു വിദ്വേഷ പരാമര്‍ശം നടത്തിയത്.
വളര്‍ന്നു വരുന്ന തലമുറയിലേക്ക് വിഷം കുത്തിവെക്കുന്ന കലാഭാസമാണ് വേടന്‍ നടത്തുന്നതെന്നും ഇതിനു പിന്നില്‍ രാജ്യത്തെ വിഘടിപ്പിക്കുന്നത് സ്വപ്നം കാണുന്ന സ്‌പോണ്‍സര്‍മാരുണ്ടെന്നും ആരോപിച്ച മധു ആളു കൂടാന്‍ വേടന്റെ പാട്ട് വെയ്ക്കുന്നവര്‍ നാളെ അമ്പല പറമ്പില്‍ കാബറെ ഡാന്‍സും വെയ്ക്കുമെന്നും പറഞ്ഞിരുന്നു.
Latest
വടകരയില്‍ റോഡിലെ കുഴിയില്‍ വീണ് ഓട്ടോറിക്ഷ മറിഞ്ഞ് ഡ്രൈവര്‍ മരിച്ചു
കൊല്ലങ്കോട് വെള്ളച്ചാട്ടത്തില്‍ അപകടത്തില്‍പ്പെട്ട യുവാവ് മരിച്ചു
നിലമ്പൂരിലേത് ഇടതുപക്ഷത്തിനെതിരായ പോരാട്ടം: കെ സി വേണുഗോപാല്‍
പാടശേഖരത്തിൽ മീൻ പിടിക്കാൻ പോയ യുവാവ് വള്ളം മറിഞ്ഞ് മുങ്ങി മരിച്ചു
രാജ്യത്ത് 3395 പേര്‍ക്ക് കൊവിഡ് സ്ഥിരീകരിച്ചു; ഏറ്റവും കൂടുതല്‍ രോഗികള്‍ കേരളത്തില്‍
വിഴിഞ്ഞത്തുനിന്നും കാണാതായ രണ്ടാമത്തെ വള്ളവും കണ്ടെത്തി; എട്ട് പേര്‍ സുരക്ഷിതര്‍, ഒരാള്‍ക്കായി തിരച്ചില്‍
