ഉ​മ്മ​ന്‍ ചാ​ണ്ടി​ക്ക് വി​ദ​ഗ്​​ധ​ ചി​കി​ത്സ നൽകാൻ മുഖ്യമന്ത്രി ഇടപെടണമെന്ന് സഹോദരനും ബന്ധുക്കളും

തിരുവനന്തപുരം | മുൻ മുഖ്യമന്ത്രിയും കോൺഗ്രസിൻ്റെ മുതിർന്ന നേതാവുമായ ഉ​മ്മ​ന്‍ ചാ​ണ്ടി​ക്ക് വി​ദ​ഗ്​​ധ​ ചി​കി​ത്സ നൽകാൻ സ​ർ​ക്കാ​ർ ഇ​ട​പെ​ട​ണ​മെ​ന്ന്​ ആ​വ​ശ്യ​പ്പെ​ട്ട്​ സ​ഹോ​ദ​ര​നും ബ​ന്ധു​ക്ക​ളും മുഖ്യമന്ത്രി പിണറായി വിജയന് കത്തുനൽകി. കോട്ടയം പു​തു​പ്പ​ള്ളി​യി​ലെ ഉ​മ്മ​ന്‍ ചാ​ണ്ടി​യു​ടെ ത​റ​വാ​ട്ടു​വീ​ടാ​യ ക​രോ​ട്ട് വ​ള്ള​ക്കാ​ലി​ല്‍ താ​മ​സി​ക്കു​ന്ന അ​നു​ജ​ൻ അ​ല​ക്സ് വി ചാ​ണ്ടി​യും അ​ടു​ത്ത ബ​ന്ധു​ക്ക​ളു​മ​ട​ക്കം 42 പേ​രാണ് ക​ത്തിൽ ഒ​പ്പുവെച്ചത്. ചി​കി​ത്സ വി​ല​യി​രു​ത്താ​ൻ മെ​ഡി​ക്ക​ല്‍ ബോ​ര്‍ഡ് രൂ​പ​വ​ത്​​ക​രി​ക്ക​ണ​മെ​ന്നും ആവശ്യപ്പെട്ടിട്ടുണ്ട്. മു​ഖ്യ​മ​ന്ത്രി​ക്കൊ​പ്പം സ്പീ​ക്ക​ർ, ആ​രോ​ഗ്യ​മ​ന്ത്രി എ​ന്നി​വ​ർ​ക്കും ക​ത്ത്​ ന​ൽ​കി​യി​ട്ടു​ണ്ട്.

മകൻ ചാണ്ടി ഉമ്മനോടൊപ്പം കഴിയുന്ന ഉ​മ്മ​ന്‍ ചാ​ണ്ടിക്ക് കൃ​ത്യ​മാ​യ ചി​കി​ത്സ ല​ഭി​ക്കു​ന്നി​ല്ലെ​ന്ന് ബന്ധുക്കൾ​ സം​ശ​യം പ്ര​ക​ടി​പ്പി​ച്ചിട്ടുണ്ട്. ഉമ്മൻ ചാണ്ടിയുടെ ആ​രോ​ഗ്യ​സ്ഥി​തി ഗു​രു​ത​ര​മാ​ണെ​ന്നും കത്തിൽ ചൂ​ണ്ടി​ക്കാ​ട്ടു​ന്നു. വി​ദ​ഗ്​​ധ ചി​കി​ത്സ ന​ൽ​കേ​ണ്ട ഘ​ട്ട​ത്തി​ൽ കു​ടും​ബം പ്രാർഥന അടക്കമുള്ള മ​റ്റ്​ മാ​ർ​ഗ​ങ്ങ​ൾ മാത്രം തേ​ടു​കയാണ്. ജ​ര്‍മ​നി​യി​ലെ ചി​കി​ത്സ​ക​ളു​ടെ തു​ട​ര്‍ച്ച​യാ​യി ബെം​ഗ​ളൂ​രു​വി​ലെ ആ​ശു​പ​ത്രി​യി​ല്‍ അ​ദ്ദേ​ഹ​ത്തി​ന് തു​ട​ര്‍ ചി​കി​ത്സ ല​ഭ്യ​മാ​ക്കി​യി​രുന്നു. എന്നാൽ ഇ​ത്​ വേ​ണ്ട​വി​ധ​ത്തി​ൽ ന​ട​ക്കു​ന്നി​ല്ല. നി​ര​ന്ത​രം ചി​കി​ത്സ വേ​ണ്ട ഘ​ട്ട​മാ​ണെ​ന്നി​രി​ക്കെ, ചെ​ക്ക​പ്പി​ന്​ മാ​ത്ര​മാ​യാ​ണ്​ ആ​ശു​പ​ത്രി​യി​ൽ പോ​കു​ന്ന​ത്. രോ​ഗം അ​തി​ഗു​രു​ത​ര​മാ​യ​തി​നാ​ല്‍ ഓ​രോ നി​മി​ഷ​വും വി​ല​പ്പെ​ട്ട​താ​ണെ​ന്നും കത്തിൽ പറയുന്നു.