തൃശൂരില്‍ ബൈക്കും ലോറിയും കൂട്ടിയിടിച്ച് അപകടം; ദമ്പതികള്‍ക്ക് ഗുരുതര പരുക്ക്

തൃശൂര്‍|തൃശൂര്‍ പെരിങ്ങോട്ടുകരയില്‍ ബൈക്കും ലോറിയും കൂട്ടിയിടിച്ച് ദമ്പതികള്‍ക്ക് പരുക്ക്. മുറ്റിച്ചൂര്‍ സ്വദേശികളായ അണ്ടേഴത്ത് വീട്ടില്‍ ശിവശങ്കരന്‍, ഷീല എന്നിവര്‍ക്കാണ് പരുക്കേറ്റത്. ഇന്ന് രാവിലെ 6.40 ന് പെരിങ്ങോട്ടുകര നാലും കൂടിയ സെന്ററില്‍വച്ച് ബൈക്കും ലോറിയും ഇടിക്കുകയായിരുന്നു.

ബൈക്ക് ലോറിക്കടിയില്‍ കുരുങ്ങിയ നിലയിലായിരുന്നു. ഗുരുതരമായി പരുക്കേറ്റ ദമ്പതികളെ കൂര്‍ക്കഞ്ചേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ചരക്കുമായി വന്ന തമിഴ്‌നാട് രജിസ്‌ട്രേഷനിലുള്ള ലോറിയാണ് ഇടിച്ചത്. ലോറി അന്തിക്കാട് പോലീസ് കസ്റ്റഡിയിലെടുത്തു.