'സമയ ലാഭത്തേക്കാൾ എന്തു സമ്പത്താണ് ഉള്ളത്?'

പശ്ചിമഘട്ടത്തെ “കീറിമുറിച്ചു”കൊണ്ടാണ് കൊങ്കൺ തീവണ്ടിപ്പാത ഉണ്ടാക്കിയതെന്നും ഇന്ത്യയുടെ പടിഞ്ഞാറൻ തീരത്തെ കോടിക്കണക്കിനു ജനങ്ങളുടെ ജീവനാഡിയായി മാറിയ ഈ തീവണ്ടിപ്പാത പശ്ചിമഘട്ടത്തിന്റെ മധ്യത്തിൽക്കൂടിയാണ് കടന്നുപോകുന്നതെന്നും എഴുത്തുകാരൻ വിനയ രാജ് വി ആർ ഫേസ്ബുക്കിൽ കുറിച്ചു. നേരത്തെ മംഗലാപുരത്തുനിന്നും മുംബൈയിൽ എത്താൻ 48 മണിക്കൂർ എടുത്തിരുന്ന നേത്രാവതി എക്സ്പ്രസ് കൊങ്കൺ പാത വന്നതിനുശേഷം എടുക്കുന്നത് 16 മണിക്കൂർ ആണ്. സമയലാഭത്തേക്കാൾ എന്തുസമ്പത്താണ് ഉള്ളത്? കേരളത്തിലെ അരുവികൾ എന്നു വിളിക്കാവുന്ന പത്തൻപതു നദികൾ എടുത്താൽ കാവേരിയിലേക്കെത്തുന്ന മൂന്നെണ്ണമൊഴികെ എല്ലാം പടിഞ്ഞാറോട്ടുള്ള ചെരുവിൽക്കൂടി ഒഴുകി പെട്ടെന്നു അറബിക്കടലിൽ എത്തുന്നവയാണ്. എന്നാൽ കൊങ്കൺ പ്രദേശത്തുനിന്നാണ് ഇന്ത്യയിലെ കിഴക്കോട്ട് ഒഴുകുന്ന, തെക്കേ ഇന്ത്യയുടെ ജീവനാഡികളായ ഗോദാവരി, കൃഷ്ണ, കാവേരി, താ‌മ്രപർണ്ണി, തുംഗഭദ്ര എന്നീ വൻനദികളെല്ലാം ഉൽഭവിക്കുന്നത്. കാവ്യഭാഷയിൽ പറഞ്ഞാൽ പശ്ചിമഘട്ടത്തെ രണ്ടായി പിളർത്തി, കൊങ്കൺ പ്രദേശത്തെ രണ്ടായി വിഭജിച്ച്, വൻതോതിൽ പാറപൊട്ടിച്ച്, വയൽ നികത്തി കോൺക്രീറ്റ് നിറച്ച് ഉണ്ടാക്കിയതാണ് ആ തീവണ്ടിപ്പാതയും ആയിരക്കണക്കിനു പാലങ്ങളും തുരങ്കങ്ങളും എല്ലാം. അതുകൊണ്ട് കൊങ്കൺ നശിച്ചില്ല, അവിടുത്തെ ജനങ്ങൾക്ക് മികച്ച ഗതാഗതമാർഗം ലഭിച്ചു. ഇന്ന് ആ വഴിയിൽ തീവണ്ടി ഓടുന്നതുകൊണ്ട് ഒരു പക്ഷേ ഏറ്റവും ഗുണം കിട്ടിയ ജനതയായിരിക്കും മലയാളികൾ. 16 മണിക്കൂർ കൊണ്ട് എത്തേണ്ടിടത്തേക്ക് 40 മണിക്കൂർ കൊണ്ട് പോകാൻ ആഗ്രഹമുള്ളവർക്ക് പഴയ വഴിക്ക് പോകാം, എന്നാൽ 16 മണിക്കൂർ കൊണ്ട് പോകാൻ ആഗ്രഹമുള്ളവർക്ക് തടസ്സമാകണമോ എന്ന് ആലോചിക്കുകയെന്നും അദ്ദേഹം കുറിച്ചു. പോസ്റ്റ് പൂർണരൂപത്തിൽ:

കഴിഞ്ഞ നൂറ്റാണ്ടിലെ ഏഷ്യയിലെ തന്നെ ഏറ്റവും വലിയ റെയിൽവേ പ്രൊജക്ട് ആയിരുന്നു കൊങ്കൺ റെയിൽവേ. ശരാവതി നദിക്കു കുറുകെ രണ്ടുകിലോമീറ്ററിലേറെ നീളമുള്ള പാലമടക്കം 2116 പാലങ്ങൾ, ആറര കിലോമീറ്ററീലേറെ ദൈർഘ്യമുള്ള രത്നഗിരിയിലേതടക്കം 92 തുരങ്കങ്ങൾ ഇവയെല്ലാം കൊങ്കണിൽ നിർമ്മിച്ചു. 43000 ഉടമസ്ഥരിൽ നിന്നും ഇതിനായി ഭൂമി ഏറ്റെടുത്തു.