ആദ്യം കുഞ്ഞുമോന്‍ അകത്ത് കയറ്,എന്നിട്ടാകാം മറ്റുള്ളവരെ സ്വാഗതം ചെയ്യുന്നത്; പരിഹാസവുമായി ഷിബു ബേബി ജോണ്‍

കൊല്ലം | കഴിഞ്ഞ ദിവസം ആര്‍എസ്പിയെ ഇടത് മുന്നണിയിലേക്ക് സ്വാഗതം ചെയ്ത കോവൂര്‍ കുഞ്ഞുമോനെ പരിഹസിച്ച് ഷിബു ബേബി ജോണ്‍. കുഞ്ഞുമോന്‍ ആദ്യം അകത്ത് കയറൂ. എന്നിട്ടാവാം മറ്റുള്ളവരെ സ്വാഗതം ചെയ്യുന്നത് എന്നായിരുന്നു ഷിബു ബേബി ജോണിന്റെ പ്രതികരണം. ഫേസ്ബുക്ക് പോസ്റ്റിലൂടെയായിരുനന്ു കുഞ്ഞുമോനുള്ള മറുപടി നല്‍കിയത്.

“ആര്‍എസ്പിയെ കോവൂര്‍ കുഞ്ഞുമോന്‍ എല്‍ഡിഎഫിലേക്ക് സ്വാഗതം ചെയ്തതായി വാര്‍ത്ത കണ്ടു. ഇപ്പോഴും വരാന്തയില്‍ തന്നെയല്ലേ നില്‍ക്കുന്നത്. കുഞ്ഞുമോന്‍ ആദ്യമൊന്ന് അകത്ത് കേറ്. എന്നിട്ടാവാം മറ്റുള്ളവരെ സ്വാഗതം ചെയ്യുന്നത്”- ഇതായിരുന്നു ബേബി ജോണിന്റെ മറുപടി.

നിയമസഭാ തെരഞ്ഞെടുപ്പിലെ കനത്ത പരാജയത്തിന് പിന്നാലെയാണ് ആര്‍എസ്പിയില്‍ ഭിന്നത രൂക്ഷമായത്. രണ്ടാം വട്ടവും ചവറയില്‍ തോല്‍വി
ഏറ്റുവാങ്ങിയ ഷിബു ബേബി ജോണ്‍ പാര്‍ട്ടിയില്‍നിന്ന് അവധിയെടുക്കുകയായിരുന്നു. കഴിഞ്ഞ ദിവസം നടന്ന യുഡിഎഫ് യോഗത്തിലും ഷിബു ബേബു ജോണ്‍ പങ്കെടുത്തിരുന്നില്ല.