Kerala
അടുത്ത മൂന്ന് ദിവസം കേരളത്തില് ഇടിമിന്നലിന് സാധ്യത; ജാഗ്രതാ നിര്ദേശം പുറപ്പെടുവിച്ചു
തിരുവനന്തപുരം | അടുത്ത മൂന്ന് ദിവസം കേരളത്തില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ്. ഡിസംബര് അഞ്ച് വരെയാണ് മുന്നറിയിപ്പ് . ഉച്ചക്ക് ഒരു മണി മുതല് രാത്രി 10 മണി വരെയുള്ള സമയത്താണ് ഇടിമിന്നലിന് സാധ്യത കൂടുതല്. ചില സമയങ്ങളില് രാത്രി വൈകിയും ഇത് തുടര്ന്നേക്കാമെന്നും മുന്നറിയിപ്പുണ്ട്. മലയോര മേഖലയില് ഇടിമിന്നല് സജീവമാകാനാണ് സാധ്യത.
മനുഷ്യ ജീവനും വൈദ്യുതി ഉപകരണങ്ങള്ക്കും നാശനഷ്ടം സംഭവിക്കാന് ഇടയുണ്ടെന്നതിനാല് പൊതു ജനം ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു.
കാര്മേഘം കണ്ട് തുടങ്ങുന്ന സമയം മുതല് തന്നെ പൊതുജനങ്ങള് മുന്കരുതല് സ്വീകരിക്കണമെന്ന് ദുരന്ത നിവാരണ അതോറിറ്റി അറിയിച്ചു. ഇടിമിന്നല് ദൃശ്യമല്ല എന്നതിനാല് ഇത്തരം മുന്കരുതല് സ്വീകരിക്കുന്നതില് നിന്നും വിട്ടുനില്ക്കരുത്.