National
പുല്‍വാമ ഭീകരാക്രമണം ഇമ്രാന്‍ ഖാന്റെ ഭരണ നേട്ടം; വിവാദ പരാമര്‍ശവുമായി പാക് മന്ത്രി
ന്യൂഡല്‍ഹി | പുല്‍വാമ ഭീകരാക്രമണം പ്രധാനമന്ത്രി ഇമ്രാന്‍ ഖാന്റെ ഭരണത്തിലുണ്ടായ വലിയ നേട്ടമാണെന്ന് ഉദ്‌ഘോഷിച്ച് പാക് മന്ത്രി. ശാസ്ത്ര സാങ്കേതിക വകുപ്പു മന്ത്രി ഫവാദ് ഹുസൈന്‍ ചൗധരിയാണ് ദേശീയ അസംബ്ലിയില്‍ ഇക്കാര്യം പ്രസ്താവിച്ചത്. ഇന്ത്യ പാക്കിസ്ഥാനെ ആക്രമിച്ചേക്കും എന്ന് ഭയപ്പെട്ടാണ് അഭിനന്ദന്‍ വര്‍ധമാനെ വിട്ടയച്ചതെന്ന എം പി ആയാസ് സാദിഖിന്റെ ആരോപണത്തോട് പ്രതികരിക്കവെയായിരുന്നു ഫവാദിന്റെ
പ്രസ്താവന. സ്വന്തം ഭൂമിയിലേക്ക് കയറിയാണ് ഇന്ത്യയെ ആക്രമിച്ചത്. ഇത് ഇമ്രാന്‍ ഖാന്റെ ഭരണ നേട്ടമാണെന്നും ഫവാദ് പറഞ്ഞു.
പാക് വിദേശകാര്യ മന്ത്രി ഖുറൈശിയും സൈനിക മേധാവി ജനറല്‍ ജാവേദ് ബജ്വയും തമ്മില്‍ നടന്ന കൂടിക്കാഴ്ച സംബന്ധിച്ച് പ്രതിപക്ഷ നേതാവ് ആയാസ് സ്വാദിഖ് വെളിപ്പെടുത്തുന്നതിന്റെ വീഡിയോ വിവാദമായതിനു പിന്നാലെയായിരുന്നു ഫവാദിന്റെ പ്രതികരണം. ഇന്ത്യയുടെ വിംഗ് കമാന്‍ഡര്‍ അഭിനന്ദന്‍ വര്‍ധമാനെ വിട്ടയച്ചില്ലെങ്കില്‍ ഇന്ത്യ ആക്രമിച്ചേക്കുമെന്ന് വിദേശകാര്യമന്ത്രി പറഞ്ഞതുകേട്ട് പാക് സൈനിക മേധാവിയുടെ മുട്ടിടിച്ചെന്ന് വ്യക്തമാക്കുന്ന വീഡിയോയാണ് പുറത്തുവന്നത്.
Latest
ലോക്‌സഭ തിരഞ്ഞെടുപ്പിന് സ്വകാര്യ മേഖലയിലെ ജീവനക്കാര്‍ക്ക് അവധി
കെഎസ്ഇബി മുന്നറിയിപ്പില്ലാതെ വൈദ്യുതി വിച്ഛേദിച്ചു ; കോഴിഫാമിലെ 1500 കോഴികള്‍ ചത്തതായി പരാതി
മഹാരാഷ്ട്ര സഹകരണബേങ്ക് തട്ടിപ്പ്; അജിത്പവാറിന് ക്ലീന്‍ചിറ്റ് നല്‍കി അന്വേഷണ സംഘം
പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച 65കാരന്‍ അറസ്റ്റില്‍
മണിപ്പൂരില്‍ വീണ്ടും സ്‌ഫോടനം; പാലം തകര്‍ന്നു, പരുക്കോ മരണമോ റിപ്പോര്‍ട്ട് ചെയ്തിട്ടില്ല
വൈദ്യപരിശോധനയ്ക്ക് എത്തിച്ചപ്പോള്‍ പോലീസ് കസ്റ്റഡിയില്‍ നിന്നും ഓടി രക്ഷപ്പെട്ട പ്രതി രണ്ട് ദിവസത്തിന് ശേഷം കീഴടങ്ങി
