International
കൊറോണ: ഇന്ത്യയുള്പ്പെടെ ഏഴ് രാജ്യങ്ങളില്നിന്നുള്ള വിമാനങ്ങള്ക്ക് കുവൈത്ത് വിലക്കേര്പ്പെടുത്തി
കുവൈത്ത് സിറ്റി | കൊറോണ വൈറസ് ബാധ പടരുന്ന സാഹചര്യത്തില് ഇന്ത്യയടക്കം ഏഴ് രാജ്യങ്ങളില്നിന്നുള്ള വിമാനങ്ങള്ക്ക് കുവൈത്ത് വിലക്കേര്പ്പെടുത്തി. ശനിയാഴ്ച മുതല് ഒരാഴ്ചത്തേക്കാണ് വിലക്ക്. കുവൈത്ത് മന്ത്രിസഭയുടേതാണ് തീരുമാനം. ഇതേതുടര്ന്ന് കരിപ്പൂരില് നിന്ന് പുലര്ച്ചെ പുറപ്പെടേണ്ട വിമാനം റദ്ദാക്കി. വിമാനത്തില് യാത്രചെയ്യാനായി എത്തിയവരെ വിമാനത്താവളത്തില് നിന്ന് തിരിച്ചയച്ചു.
ഇന്ത്യക്ക് പുറമെ ബംഗ്ലാദേശ്, ശ്രീലങ്ക, ഫിലിപ്പീന്സ്, ഈജിപ്ത്,സിറിയ, ലബനന് എന്നീ രാജ്യങ്ങളില് നിന്നുള്ള വിമാനങ്ങള്ക്കാണ് വിലക്കേര്പ്പെടുത്തിയിട്ടുണ്ട്.
ഈ രാജ്യങ്ങളില് നിന്ന് കുവൈത്തിലേക്കും തിരിച്ച് കുവൈത്തില് നിന്ന് ഈ രാജ്യങ്ങളിലേക്കും വിമാന സര്വീസുകള് അനുവദിക്കില്ലെന്നാണ് കുവൈത്ത് സിവില് ഏവിയേഷന് വകുപ്പ് ഇറക്കിയ ഉത്തരവില് പറയുന്നു.
നേരത്തെ കുവൈത്തിലേക്ക് വരുന്ന വിദേശികള് കൊറോണ വൈറസ് ബാധിതരല്ലെന്ന് അംഗീകാരമുള്ള ആരോഗ്യകേന്ദ്രത്തില് നിന്നുള്ള സര്ട്ടിഫിക്കറ്റ് ഹാജരാക്കണമെന്ന് നിര്ദ്ദേശമുണ്ടായിരുന്നു. പിന്നീട് ഇന്ത്യന് വിദേശകാര്യമന്ത്രാലയം ഇക്കാര്യത്തില് ഇടപെട്ടതിനെ തുടര്ന്ന്നിയന്ത്രണം നീക്കിയിരുന്നു. ഇതിനു പിന്നാലെയാണ് ഇന്ത്യയുള്പ്പെടെയുള്ള രാജ്യങ്ങളില് നിന്നുള്ള വിമാന സര്വീസുകള്ക്ക് താത്കാലിക വിലക്കേര്പ്പെടുത്തിയിരിക്കുന്നത്.