Ongoing News
കാരറ്റ് അപ്പം
കാരറ്റ് കഴിക്കൽ ശരീരത്തിന് നല്ലതാണ്. പ്രത്യേകിച്ചും രക്തമുണ്ടാകാൻ ഏറ്റവും നല്ലതാണ് കാരറ്റ് ജ്യൂസ്. എന്നാൽ, ക്യാരറ്റ് കൊണ്ട് രുചികരമായ പലഹാരവും ഉണ്ടാക്കാം. വൈകുന്നേരച്ചായക്കൊപ്പം കാരറ്റ് അപ്പം അടിപൊളിയാണ്. ഇത് പനിയാരം എന്നും പലയിടങ്ങളിൽ അറിയപ്പെടുന്നുണ്ട്.
ചേരുവകൾ
ഇഡലി മാവ്- രണ്ട് കപ്പ്
കാരറ്റ് നല്ല പേസ്റ്റ് പോലെ അരച്ചത് – രണ്ടെണ്ണം
സവാള- ഒന്ന്
പച്ചമുളക്- മൂന്ന്
ഉപ്പ്- ആവശ്യം അനുസരിച്ച്
കറിവേപ്പില- ആവശ്യത്തിന്
ഇഞ്ചി- ആര ടീസ്പൂൺ
മല്ലിയില (കുറച്ച് )
തയ്യാറാക്കുന്ന വിധം
കാരറ്റ് അരക്കുമ്പോൾ പച്ചമുളകും ചേർത്തുവേണം അരച്ചെടുക്കാൻ. ഈ അരച്ചത് ഇഡലി മാവിൽ മിക്സ് ചെയ്യുക. ശേഷം പൊടിയായി അരിഞ്ഞ ബാക്കി ചേരുവകൾ ചേർത്ത് മിക്സ് ചെയ്യുക. കുഴിയപ്പ ചട്ടിയിൽ എണ്ണ പുരട്ടി മാവ് ഒഴിച്ച് അപ്പം ഉണ്ടാക്കിയെടുക്കുക. ഇതോടെ കാരറ്റ് അപ്പം റെഡിയായി. ഇനി ചമ്മന്തിയോ സോസോ കൂട്ടി കഴിക്കാം…
[irp]
---- facebook comment plugin here -----