Gulf
ഡ്യൂട്ടിഫ്രീ നോട്ടിഫിക്കേഷന്‍ എടുത്തുകളഞ്ഞു; പാര്‍സല്‍ അയക്കാന്‍ ചിലവേറും
അബുദാബി | നാട്ടിലേക്ക് സാധനങ്ങള്‍ അയക്കുന്നതിന് ഇനിമുതല്‍ ചിലവേറും. 5000 രൂപ വരെയുള്ള സാധനങ്ങള്‍ നാട്ടിലേക്ക് നികുതിയില്ലാതെ അയക്കാന്‍ കഴിയുന്ന ഡ്യൂട്ടിഫ്രീ നോട്ടിഫിക്കേഷന്‍ എടുത്തുകളഞ്ഞ് വിദേശവ്യാപാര നയം ഭേദഗതി ചെയ്തതോടെ ഗള്‍ഫില്‍നിന്ന് നാട്ടിലേക്ക് പാര്‍സല്‍ അയക്കല്‍ ചെലവേറിയതാവും. ജി എസ് ടി അടക്കം 42 ശതമാനം നികുതി നല്‍കിയാണ് ഇനി സാധനങ്ങള്‍ അയക്കാന്‍ കഴിയുക . ഇതുസംബന്ധിച്ച് വിദേശവ്യാപാര ഡയറക്ടര്‍ ജനറല്‍ അമിത് യാദവ് കഴിഞ്ഞദിവസം ഉത്തരവ് ഇറക്കി.
ജീവന്‍രക്ഷാ മരുന്നുകള്‍ക്കും കയ്യില്‍ കെട്ടുന്ന രാഘികള്‍ക്കുമാണ് ഇളവുള്ളത്. ചില ഇകോമേഴ്‌സ് കമ്പനികള്‍ ചൈനീസ് സാധനങ്ങള്‍ നികുതിവെട്ടിച്ച് ഇറക്കുന്നത് ചൂണ്ടിക്കാട്ടിയാണ് ഡ്യൂട്ടി ഫ്രീ നോട്ടിഫിക്കേഷന്‍ നിര്‍ത്തലാക്കിയത്. ബന്ധുക്കള്‍ക്ക് സമ്മാനങ്ങളും അവശ്യവസ്തുക്കളും പാര്‍സല്‍ കൊടുത്തയക്കുന്ന സാധാരണക്കാരായ പ്രവാസികള്‍ക്കും ഉത്തരവ് തിരിച്ചടിയാണ്.
വിമാനത്തില്‍ യാത്രക്കാരന് സാധാരണഗതിയില്‍ നിശ്ചിത ബാഗേജ് മാത്രമേ കൊണ്ടുപോകാനാകൂ എന്നതിനാല്‍ പ്രവാസികള്‍ വീട്ടിലേക്കുള്ള പലസാധനങ്ങളും കാര്‍ഗോ വഴിയാണ് അയച്ചിരുന്നത്. താഴ്ന്ന വരുമാനമുള്ളവര്‍ക്ക് ചെറിയ കാലയളവില്‍ നാട്ടിലേക്ക് പോകാന്‍ കഴിയാത്തതിനാല്‍ ഈ സൗകര്യത്തെ വലിയ തോതില്‍ ഉപയോഗപ്പെടുത്താറുണ്ട്.
Latest
മദ്യനയ അഴിമതി കേസ് ; മനീഷ് സിസോദിയയുടെ ജാമ്യാപേക്ഷ തള്ളി
മധ്യപ്രദേശില്‍ ആറ് തവണ കോണ്‍ഗ്രസ് എംഎല്‍എ ആയിരുന്ന റാംനിവാസ് റാവത്ത് ബിജെപിയില്‍ ചേര്‍ന്നു
കന്നുകാലി വില കുത്തനെ കൂടുന്നു; മെയ് 15 മുതല്‍ മാംസ വില വര്‍ധിപ്പിക്കുമെന്ന് വ്യാപാരികള്‍
പക്ഷിപ്പനി: ആലപ്പുഴയിൽ പക്ഷികളെ കൊന്നൊടുക്കുന്നത് തുടരുന്നു
ശോഭ സുരേന്ദ്രനും കെ സുധാകരനും ദല്ലാൾ നന്ദകുമാറിനും ഇപി വക്കീൽ നോട്ടീസ്‌ അയച്ചു
കുമ്പഴയില്‍ വയോധികയെ കഴുത്തറുത്ത് കൊന്ന കേസില്‍ പ്രതിക്ക് ജീവപര്യന്തം തടവും പിഴയും
