Kozhikode
നിര്‍മാണ മേഖലയിലെ പ്രതിസന്ധി പരിഹരിക്കാന്‍ ശ്രമം തുടരും: മുഖ്യമന്ത്രി
കോഴിക്കോട്: നിര്‍മാണ മേഖലയിലെ പ്രതിസന്ധി പരിഹരിക്കാന്‍ ശ്രമം തുടരുമെന്ന് മുഖ്യമന്ത്രി ഉമ്മന്‍ ചാണ്ടി. നിര്‍മാണ സാമഗ്രികളുടെ ലഭ്യതക്കുറവും അമിതമായ വിലയുമാണ് ഈ മേഖല നേരിടുന്ന പ്രധാന വെല്ലുവിളി. നിര്‍മാണ മേഖലയിലെ ബുദ്ധിമുട്ടുകള്‍ പരിഹരിക്കാനായി സര്‍ക്കാര്‍ ഒട്ടേറെ കാര്യങ്ങള്‍ ചെയ്തിട്ടുണ്ട്. എന്നാല്‍ പ്രതിസന്ധി പൂര്‍ണതോതില്‍ പരിഹരിക്കാനായിട്ടില്ലെന്നും ഇതിനായി ശ്രമം തുടരുമെന്നും മുഖ്യമന്ത്രി കൂട്ടിച്ചേര്‍ത്തു. ലെന്‍സ്‌ഫെഡ് സംഘടിപ്പിച്ച ബില്‍ഡ് എക്‌സ്‌പോയുടെ ഭാഗമായി മുതിര്‍ന്ന എന്‍ജിനീയര്‍മാരെയും കരാറുകാരെയും ആദരിക്കല്‍ ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം.
സംഘാടക സമിതി ചെയര്‍മാന്‍ പി സി അബ്ദുര്‍റഷീദ് അധ്യക്ഷത വഹിച്ചു. പുരുഷന്‍ കടലുണ്ടി എം എല്‍ എ, ഡി സി സി പ്രസിഡന്റ് കെ സി അബു, കെ ഇ മുഹമ്മദ് ഫൈസല്‍, സി സനീഷ്‌കുമാര്‍, പി മമ്മദ്‌കോയ, പി ടി അബ്ദുല്ലക്കോയ, ടി സി വി ദിനേശ്കുമാര്‍, കെ മനോജ് സംസാരിച്ചു. ടി പി എം സഹീര്‍, പ്രഭാ ശങ്കര്‍, രമേശന്‍ പാലേരി, തോമസ് മറ്റം, എം വി കുഞ്ഞാമു, പി എം കേളുക്കുട്ടി, എന്‍ ടി എ കരീം, ഫസല്‍ഷാ കള്ളിയത്ത് എന്നിവരെ മുഖ്യമന്ത്രി ആദരിച്ചു. ബില്‍ഡ് എക്‌സ്‌പോയുടെ ഭാഗമായി വിവിധ സെമിനാറുകള്‍ നടന്നു.
ഇന്ന് വൈകുന്നേരം നടക്കുന്ന സമാപന സമ്മേളനം മന്ത്രി ആര്യാടന്‍ മുഹമ്മദ് ഉദ്ഘാടനം ചെയ്യും. മന്ത്രി ഡോ. എം കെ മുനീര്‍ അധ്യക്ഷത വഹിക്കും.
Latest
കോന്നി ആനത്താവളത്തിലെ നീലകണ്ഠന്‍ ചരിഞ്ഞു
സേലത്ത് ബസ് മറിഞ്ഞ് ആറ് മരണം ; മുപ്പതിലേറെ പേര്‍ക്ക് പരുക്ക്
ഉന്നതര്‍ക്ക് വഴങ്ങാന്‍ വിദ്യാര്‍ഥിനികളെ പ്രേരിപ്പിച്ച അധ്യപികക്ക് പത്ത് വര്‍ഷം തടവ്
കൊല്ലം ജില്ലയില്‍ ശക്തമായ മഴ ; ഇടിമിന്നലേറ്റ് ഒരാള്‍ മരിച്ചു
മദ്യനയ അഴിമതി കേസ് ; മനീഷ് സിസോദിയയുടെ ജാമ്യാപേക്ഷ തള്ളി
മധ്യപ്രദേശില്‍ ആറ് തവണ കോണ്‍ഗ്രസ് എംഎല്‍എ ആയിരുന്ന റാംനിവാസ് റാവത്ത് ബിജെപിയില്‍ ചേര്‍ന്നു
