Ongoing News
ഫേസ്ബുക്കില്‍ സൗജന്യകോള്‍ ഇന്ത്യയിലും
കൊച്ചി: ഫേസ്ബുക്ക് മെസ്സഞ്ചര്‍ ആപ്പില്‍ നിന്ന് സൗജന്യമായി കോള്‍ ചെയ്യാനുള്ള സൗകര്യം ഇന്ത്യയിലും നിലവില്‍ വന്നു. മെസ്സഞ്ചര്‍ ആപ്ലിക്ഷേന്റെ പുതിയ അപ്‌ഡേഷനിലാണ് ഫ്രീകോള്‍ സംവിധാനം ഉള്‍പ്പെടുത്തിയത്. ആന്‍ഡ്രോയഡിലും ഐ ഒ എസിലും ഇത് ലഭ്യമാണ്. ഈ വര്‍ഷം ജനുവരിയിലാണ് ഫേസ്ബുക്ക് മെസ്സഞ്ചറില്‍ ഫ്രീകോള്‍ ആദ്യമായി അവതരിപ്പിച്ചത്.
2ജി കണക്ഷനില്‍ പോലും മികച്ച ശബ്ദനിലവാരമാണ് ഫെയ്‌സ്ബുക്കിന്റെ ഫ്രീകോള്‍ നല്‍കുന്നത്. വൈബര്‍ അടക്കം നിലവിലുള്ള ഫ്രീ കോള്‍ ആപ്പുകളേക്കാള്‍ മികച്ച നിലവാരം പുലര്‍ത്തുന്ന ഇത് മൊബൈല്‍ സേവനദാതാക്കള്‍ക്ക് കനത്ത തിരിച്ചടിയാകും. കാനഡയിലും അമേരിക്കയിലും നേരത്തെ തന്നെ ഇത് നിലവില്‍ വന്നതോടെ ഇതിനെതിരെ അവിടത്തെ ടെലികോം സേവനദാതാക്കള്‍ രംഗത്തെതിയിട്ടുണ്ട്.
ആന്‍ഡ്രോയിഡില്‍ ചാറ്റ് വിന്‍ഡോയില്‍ ഫ്രീ കോള്‍ എന്ന മെനു തിരഞ്ഞെടുത്ത് കാള്‍ ചെയ്യാം. ഐ ഫോണില്‍ ഓപ്ഷന്‍ കീ പ്രസ് ചെയ്തത് ഫ്രീകോള്‍ സേവനം ഉപയോഗിക്കാം.
സ്വദേശ വിദേശ വ്യത്യാസമില്ലാതെ ഇന്റര്‍നെറ്റ് ചാര്‍ജ് മാത്രം നല്‍കി ആര്‍ക്കും സൗജന്യമായി വിളിക്കാനുള്ള സൗകര്യമാണ് ഫെയ്‌സ്ബുക്ക് ഒരുക്കിയരിക്കുന്നത്.
Latest
ബട്‌ലറുടെ ഒറ്റയാന്‍ പോരാട്ടം ; കൊല്‍ക്കത്തയെ തകര്‍ത്ത് രാജസ്ഥാന്‍
താമരശ്ശേരിയില്‍ കാറുകള്‍ കൂട്ടിയിടിച്ച് ഏഴ് പേര്‍ക്ക് പരുക്ക്; ഒരാളുടെ നില ഗുരുതരം
മാസപ്പടി കേസ്; സിഎംആര്‍എല്ലിന്റെ ഹരജിയില്‍ കമ്പനികാര്യ മന്ത്രാലയത്തിന് നോട്ടീസ് നല്‍കി ഡല്‍ഹി ഹൈക്കോടതി
ഹേമ മാലിനിക്കെതിരായ അധിക്ഷേപ പരാമര്‍ശം; സുര്‍ജേവാലക്ക് തിരഞ്ഞെടുപ്പ് പ്രചാരണത്തില്‍ വിലക്കേര്‍പ്പെടുത്തി
സിവിൽ സർവീസ് പരീക്ഷയിൽ റാങ്ക് നേടി മദീനതുന്നൂർ പൂർവ്വ വിദ്യാർത്ഥി
കേന്ദ്രത്തിന്റെ എതിര്‍പ്പ് തള്ളി; ശ്രീജ വിജയലക്ഷ്മിയെ ഹൈക്കോടതി ജഡ്ജിയായി ഉയര്‍ത്താന്‍ സുപ്രീം കോടതി ശിപാര്‍ശ
