National
ജയിലില്‍ കെജ് രിവാളിനോട് തീവ്രവാദിയോടെന്ന പോലെയാണ് ഇടപെടുന്നതെന്ന് ഭഗവത് മന്‍
തിഹാര്‍ ജയിലില്‍ ഇരുവരും ഇന്റര്‍കോം വഴി 30 മിനുറ്റോളം സംസാരിച്ചുവെന്നാണ് റിപ്പോര്‍ട്ട്
ന്യൂഡല്‍ഹി | ജയിലില്‍ ഡല്‍ഹി മുഖ്യമന്ത്രി അരവിന്ദ് കെജ് രിവാളിനോട് തീവ്രവാദിയെ പോലെയാണ് പെരുമാറുന്നതെന്ന് പഞ്ചാബ് മുഖ്യമന്ത്രി ഭഗവത് മന്‍ പറഞ്ഞു. കൊടും ക്രിമിനലുകള്‍ക്ക് ലഭിക്കുന്ന സൗകര്യങ്ങള്‍ പോലും തിഹാര്‍ ജയിലില്‍ അദ്ദേഹത്തിന് ലഭിക്കുന്നില്ലെന്നും മന്‍ തുറന്നടിച്ചു. ഡല്‍ഹി മദ്യനയ അഴിമതി കേസില്‍ തിഹാര്‍ ജയിലില്‍ കഴിയുന്ന അരവിന്ദ് കെജ് രിവാളിനെ ഭഗവത് മന്‍ സന്ദര്‍ശിച്ചിരുന്നു.
തിഹാര്‍ ജയിലില്‍ ഇരുവരും ഇന്റര്‍കോം വഴി 30 മിനുറ്റോളം സംസാരിച്ചുവെന്നാണ് റിപ്പോര്‍ട്ട്. എഎപി അച്ചടക്കമുള്ള പാര്‍ട്ടിയാണെന്നും ഞങ്ങളെല്ലാവരും അദ്ദേഹത്തോടൊപ്പം നില്‍കുമെന്നും ഭഗവത് മന്‍ പറഞ്ഞു. ജൂണ്‍ നാലിന് തിരഞ്ഞെടുപ്പ് ഫലം പ്രഖ്യാപിക്കുമ്പോള്‍ എഎപി വലിയ രാഷ്ട്രീയ കക്ഷിയായി മാറുമെന്നും അദ്ദേഹം വ്യക്തമാക്കി.
അതേസമയം ഇ ഡി അറസ്റ്റ് ചോദ്യം ചെയ്ത് കെജ് രിവാള്‍ സുപ്രീംകോടതിയില്‍ നല്‍കിയ ഹരജി ഏപ്രില്‍ 29 ലേക്ക് മാറ്റി. ഹരജി നേരത്തെ പരിഗണിക്കാന്‍ സിങ് വി അഭ്യര്‍ഥിച്ചെങ്കിലും കോടതി നിരസിക്കുകയായിരുന്നു. ഏപ്രില്‍ 24നകം കെജ് രിവാളിന്റെ ഹരജിയില്‍ മറുപടി നല്‍കാന്‍ ഇ ഡി ക്ക് സുപ്രീംകോടതി നോട്ടീസയച്ചു.
Latest
പുതുക്കിയ ഡ്രൈവിംഗ് ടെസ്റ്റ് ഇന്ന് മുതല്‍; ഡ്രൈവിങ് സ്‌കൂളുകളുടെ പ്രതിഷേധം മൂലം തടസ്സപ്പെട്ടു
സഹകരണ ബാങ്കില്‍ നിക്ഷേപിച്ച പണം തിരികെ കിട്ടിയില്ല; ആത്മഹത്യക്കു ശ്രമിച്ച ഗൃഹനാഥന്‍ മരിച്ചു
ലോഡ് ഷെഡിങ് ഏര്‍പ്പെടുത്തുമോ; ഉന്നതതല യോഗം ഇന്ന്
സംസ്ഥാനത്ത് ആശ്വാസമായി ഇന്ന് വേനല്‍ മഴയ്ക്ക് സാധ്യത
ശോഭ സുരേന്ദ്രന്‍, ദല്ലാള്‍ നന്ദകുമാര്‍ എന്നിവര്‍ക്കെതിരെ ഇ പി ജയരാജന്‍ ഡി ജി പിക്ക് പരാതി നല്‍കി
ക്രിക്കറ്റ് കളിക്കുന്നതിനിടെ 35 കാരന്‍ കുഴഞ്ഞുവീണ് മരിച്ചു
