International
ആരോഗ്യനില തൃപ്തികരം; ജപ്പാന്‍ പ്രധാന മന്ത്രി പദവിയില്‍ ഷിന്‍സോ ആബേ തുടരുമെന്ന് വിശ്വസ്തന്‍
ടോക്കിയോ | ജപ്പാനില്‍ പ്രധാന മന്ത്രി പദവിയില്‍ ഷിന്‍സോ ആബേ തുടരുമെന്ന് അദ്ദേഹത്തിന്റെ വിശ്വസ്തരിലൊരാളായ അകിറ അമരി. 2021 സെപ്തംബര്‍ വരെയുള്ള ഭരണ കാലാവധി ആബെ പൂര്‍ത്തിയാക്കുമെന്ന് അദ്ദേഹം വാര്‍ത്താ ഏജന്‍സിയോടു പറഞ്ഞു. ഭരണകക്ഷിയുടെ തലവനായും ആബേ തുടരും. അസുഖബാധിതനായി ആശുപത്രിയില്‍ കഴിയുന്ന ആബേയുടെ നില ആശങ്കാജനകമാണെന്ന വാര്‍ത്തകള്‍ അമരി നിഷേധിച്ചു. ആരോഗ്യനില ആഗസ്റ്റ് മധ്യത്തില്‍ താന്‍ അദ്ദേഹത്തെ സന്ദര്‍ശിച്ചപ്പോള്‍ ഉള്ളതിനെക്കാള്‍ മെച്ചപ്പെട്ടിട്ടുണ്ട്. കഴിഞ്ഞ ദിവസം ആബേ ടെലിവിഷനില്‍ പ്രത്യക്ഷപ്പെട്ടപ്പോള്‍ അദ്ദേഹത്തിന്റെ ശബ്ദം ഉറച്ചതായിരുന്നുവെന്നും മുഖം തെളിഞ്ഞിരുന്നുവെന്നും അമരി പറഞ്ഞു. ആബേ ഭരണ കാലാവധി പൂര്‍ത്തിയാക്കുമെന്നു തന്നെയാണ് വിശ്വാസം.
സെപ്തംബറില്‍ മന്ത്രിസഭയിലും പാര്‍ട്ടിയിലും ചില പുനസ്സംഘടനകള്‍ ആബേ നടത്തുമെന്നും അമരി പറഞ്ഞു. പൊതു തിരഞ്ഞെടുപ്പിന് വഴിയൊരുക്കി പാര്‍ലിമെന്റിന്റെ അധോസഭ പ്രധാന മന്ത്രി പിരിച്ചുവിടാനുള്ള സാധ്യതയും അദ്ദേഹം നിഷേധിച്ചു
Latest
ലൈംഗികാതിക്രമം; പ്രജ്വല്‍ രേവണ്ണയെ ജെഡിഎസില്‍ നിന്ന് സസ്പെന്‍ഡ് ചെയ്തു
കളങ്കിത കൂട്ടുകെട്ട് പൊതുപ്രവര്‍ത്തകര്‍ക്ക് ഭൂഷണമല്ല; ശോഭ സുരേന്ദ്രനെതിരെ ബിജെപി സംസ്ഥാന വൈസ് പ്രസിഡന്റ്
വൈദ്യുതി ഉപഭോഗം റെക്കോര്‍ഡ് പിന്നിട്ടു; ലോഡ് ഷെഡ്ഡിങ്ങ് ഏര്‍പ്പെടുത്തണമെന്ന് കെ എസ് ഇ ബി
കെ എസ് ആര്‍ ടി സിക്ക് കുറുകെ കാര്‍ നിര്‍ത്തി തടസം സൃഷ്ടിച്ചു; ആര്യ രാജേന്ദ്രനും സച്ചിന്‍ദേവിനുമെതിരെ കേസെടുക്കണമെന്ന് മനുഷ്യാവകാശ കമ്മീഷന് പരാതി
മക്‌ഡോണാള്‍ഡ്‌സില്‍ നിന്ന് ബര്‍ഗര്‍ കഴിച്ചയാള്‍ക്ക് ഭക്ഷ്യവിഷബാധ; പരാതിയില്‍ നടപടി
14കാരിയായ അതിജീവിതയ്ക്ക് ഗര്‍ഭച്ഛിദ്രത്തിന് അനുവാദം നല്‍കിയ ഉത്തരവ് തിരിച്ചുവിളിച്ച് സുപ്രീംകോടതി
