National
വെറും 30 സെക്കന്‍ഡ്, ആ മൂന്നുനില കെട്ടിടം കനാലിലേക്ക് നിലംപൊത്തി - വീഡിയോ
ന്യൂഡല്‍ഹി | പശ്ചിമബംഗാളില്‍ നിര്‍മാണത്തിലിരുന്ന മൂന്നുനില കെട്ടിടം സമീപത്തെ ജലസേചന കനാലിലേക്ക് തകര്‍ന്നുവീഴുന്ന വീഡിയോ സമൂഹ മാധ്യമങ്ങളില്‍ വൈറലാകുന്നു. പശ്ചിമ ബംഗാളിലെ മിഡ്‌നാപൂര്‍ ജില്ലയിലെ നിസ്ചിന്താപൂര്‍ ഗ്രാമത്തിലാണ് സംഭവം.
30 സെക്കന്‍ഡ് ദൈര്‍ഘ്യമുള്ള വീഡിയോയില്‍ ബില്‍ഡിംഗ് പൊടുന്നനെ “കടപുഴകി” വീഴുന്നത് വ്യക്തമായി കാണാം. ബില്‍ഡിംഗ് നിലംപൊത്തിയ ശേഷം പുകഉയരുന്നതും വീഡിയോയില്‍ കാണുന്നുണ്ട്.
കനാല്‍ വൃത്തിയാക്കുന്ന ജോലി പുരോഗമിക്കുന്നതിനിടെയാണ് സംഭവം. കനാല്‍ വൃത്തിയാക്കിയപ്പോള്‍ ബില്‍ഡിംഗിന്റെ തറ ഇളകിയതാണ് തകര്‍ന്നിവീഴാന്‍ ഇടയാക്കിയതെന്ന് കരുതുന്നു. ഏതാനും ദിവസങ്ങള്‍ക്ക് മുമ്പ് തന്നെ കെട്ടിടത്തില്‍ വിള്ളല്‍ രൂപപ്പെട്ടിരുന്നുവെന്നും റിപ്പോര്‍ട്ടുകളുണ്ട്.
ദക്ഷിണ ബംഗാളില്‍ കനത്ത മഴ തുടരുകയാണ്. ബില്‍ഡിംഗ് അപകടത്തില്‍പെട്ടെങ്കിലും അതിനുള്ളില്‍ ആരും അകപെട്ടില്ലല്ലോ എന്ന ആശ്വാസത്തിലാണ് കെട്ടിട ഉടമ നെമായി സാമന്ത.
Latest
തെരുവുനായ ആക്രമണം; സംസ്ഥാനത്ത് ഇന്ന് പത്തു പേര്‍ക്ക് പരുക്ക്
കോഴിക്കോട് ഐസ് ഒരതിക്ക് ഒരുമാസത്തേക്ക് നിരോധനം
ഹയര്‍സെക്കന്‍ഡറി പരീക്ഷാ ഫലം പ്രഖ്യാപിച്ചു ; വിജയശതമാനം 78.69
ഹരിയാനയില്‍ വിശ്വാസ വോട്ടെടുപ്പ് നടത്തണമെന്ന് ജെജെപി
കൊച്ചി അമ്പലമുകള്‍ ബിപിസിഎല്ലില്‍ ഡ്രൈവര്‍മാര്‍ സമരത്തില്‍; ഏഴ് ജില്ലകളിലേക്കുള്ള എല്‍പിജി വിതരണം മുടങ്ങി
കുഴിനഖ ചികിത്സയ്ക്കായി ഡോക്ടറെ വീട്ടിലേക്ക് വിളിപ്പിച്ചു;കലക്ടര്‍ക്കെതിരെ പരാതി
