National
വിജയ് മല്യയെ ഉടന് ഇന്ത്യയിലേക്ക് തിരിച്ചെത്തിക്കും; ആര്തര് റോഡ് ജയിലിലേക്കെന്ന് സൂചന
മുംബൈ | ബേങ്ക് വായ്പാ തട്ടിപ്പ് കേസില് പ്രതിയായ വിവാദ വ്യവസായി വിജയ് മല്യയെ ഉടന് ഇന്ത്യയിലേക്ക് തിരിച്ചെത്തിക്കുമെന്ന് റിപ്പോര്ട്ടുകള്. ഇദ്ദേഹത്തെ മുംബൈയിലേക്ക് എത്തിക്കാനുള്ള ശ്രമങ്ങള് തുടങ്ങിയതായി വാര്ത്ത ഏജന്സികള് റിപ്പോര്ട്ട് ചെയ്തു.
മല്യയെ മുംബൈയിലെ ആര്തര് റോഡ് ജയിലിലേക്ക് കൊണ്ടുവരുന്നതായാണ് സൂചന. വിവിധ ബേങ്കുകളിലായി 9000 കോടി രൂപ കിട്ടാക്കടമാക്കിയ ശേഷമാണ് മല്യ 2016ല് വിദേശത്തേക്ക് കടന്നത്. ബ്രിട്ടണിലേക്കാണ് മല്യ മുങ്ങിയത്.
ഇന്ത്യയിലേക്ക് അയക്കരുതെന്ന മല്യയുടെ അവസാനത്തെ ഹര്ജിയും മെയ് 14 ന് യുകെ കോടതി തള്ളിയതോടെയാണ് ഇദ്ദേഹത്തെ രാജ്യത്തേക്ക് തിരിച്ചെത്തിക്കാന് വഴി തുറന്നത്. ബ്രിട്ടണില് നിന്ന് തിരികെയുള്ള യാത്രയുമായി ബന്ധപ്പെട്ട നിയമ നടപടിക്രമങ്ങള് പൂര്ത്തിയായെന്ന് റിപ്പോര്ട്ടുകള് വ്യക്തമാക്കുന്നു.
---- facebook comment plugin here -----