Gulf
ഹെലിക്കോപ്റ്റര്‍ അപകടം; മരിച്ചവരെ തിരിച്ചറിഞ്ഞു
റാസ് അല്‍ ഖൈമ: ജബല്‍ അല്‍ ജൈസ് മലനിരകളില്‍ രക്ഷാദൗത്യത്തിനിടെ ഹെലിക്കോപ്റ്റര്‍ തകര്‍ന്നുവീണു മരിച്ച നാല് പേരെയും തിരിച്ചറിഞ്ഞു. പൈലറ്റുമാരായ സഖര്‍ സഈദ് മുഹമ്മദ് അബ്ദുല്ല അല്‍ യമാഹി, ഹമീദ് മുഹമ്മദ് ഒബൈദ് അല്‍ സാബി, നാവിഗേറ്റര്‍ ജാസിം അബ്ദുല്ല അലി തുനൈജി, പാരാമെഡിക്കല്‍ ഉദ്യോഗസ്ഥനും ദക്ഷിണാഫ്രിക്കന്‍ സ്വദേശിയുമായ മാര്‍ക് റോക്‌സ്ബര്‍ഗ് എന്നിവരാണ് മരിച്ചത്.
സ്വദേശികളുടെ മയ്യിത്ത് ഖബറടക്കി. മലനിരകളില്‍ പരുക്കേറ്റയാളെ രക്ഷിക്കാന്‍ പോകുമ്പോള്‍ ശനിയാഴ്ച വൈകിട്ട് ആറോടെയായിരുന്നു അപകടം. സിപ് ലൈനില്‍ തട്ടി നിയന്ത്രണം വിട്ട ഹെലിക്കോപ്റ്റര്‍ മലയിടുക്കില്‍ കത്തിയമരുകയായിരുന്നു. നാല് പേരും തല്‍ക്ഷണം മരിച്ചു. മലനിരകളില്‍ രക്ഷാപ്രവര്‍ത്തനം നടത്തി പരിചയമുള്ളവരാണിവര്‍. ഹെലിക്കോപ്റ്റര്‍ നിയന്ത്രണംവിട്ടു നിലംപതിക്കുന്നതിന് പലരും ദൃക്‌സാക്ഷികളായി. അപകടത്തെക്കുറിച്ച് ഊര്‍ജിത അന്വേഷണം നടത്തിവരികയാണ്. അന്വേഷണ ഉദ്യോഗസ്ഥര്‍ ഹെലികോപ്റ്ററിന്റെ അവശിഷ്ടങ്ങളില്‍ നിന്നു തെളിവു ശേഖരിച്ചു. ലോകത്തിലെ ഏറ്റവും നീളംകൂടിയ സിപ് ലൈന്‍ ആണ് ജബല്‍ ജൈസില്‍ ഉള്ളത്. ഉയരമുള്ള മലയില്‍ നിന്ന് ഉയരം കുറഞ്ഞ മലയിലേക്കു വലിച്ചുകെട്ടിയ കേബിളില്‍ തൂങ്ങിയുള്ള സാഹസിക യാത്രയാണിത്.
Latest
ത്രിപുരയില്‍ പോളിങ് ഉദ്യോഗസ്ഥനെ മര്‍ദിച്ച സംഭവം; ബി.ജെ.പി നേതാവ് അറസ്റ്റില്‍
ലൈംഗികാതിക്രമം; പ്രജ്വല്‍ രേവണ്ണയെ ജെഡിഎസില്‍ നിന്ന് സസ്പെന്‍ഡ് ചെയ്തു
കളങ്കിത കൂട്ടുകെട്ട് പൊതുപ്രവര്‍ത്തകര്‍ക്ക് ഭൂഷണമല്ല; ശോഭ സുരേന്ദ്രനെതിരെ ബിജെപി സംസ്ഥാന വൈസ് പ്രസിഡന്റ്
വൈദ്യുതി ഉപഭോഗം റെക്കോര്‍ഡ് പിന്നിട്ടു; ലോഡ് ഷെഡ്ഡിങ്ങ് ഏര്‍പ്പെടുത്തണമെന്ന് കെ എസ് ഇ ബി
കെ എസ് ആര്‍ ടി സിക്ക് കുറുകെ കാര്‍ നിര്‍ത്തി തടസം സൃഷ്ടിച്ചു; ആര്യ രാജേന്ദ്രനും സച്ചിന്‍ദേവിനുമെതിരെ കേസെടുക്കണമെന്ന് മനുഷ്യാവകാശ കമ്മീഷന് പരാതി
മക്‌ഡോണാള്‍ഡ്‌സില്‍ നിന്ന് ബര്‍ഗര്‍ കഴിച്ചയാള്‍ക്ക് ഭക്ഷ്യവിഷബാധ; പരാതിയില്‍ നടപടി
