Palakkad
തീപ്പിടിത്ത സാധ്യതയുള്ള വസ്തുക്കളുമായി തീവണ്ടി കയറിയാല്‍ ഇനി മൂന്ന് വര്‍ഷം തടവ്
പാലക്കാട്: തീപ്പിടിത്ത സാധ്യതയുളള പടക്കങ്ങള്‍, പാചകവാതക സിലിണ്ടര്‍, മണ്ണെണ്ണ, പെട്രോള്‍, കര്‍പ്പൂരം തുടങ്ങിയവയുമായി ട്രെയിനില്‍ യാത്ര ചെയ്യുന്നവര്‍ക്ക് റെയില്‍വേ നിയമപ്രകാരം പിഴയും മൂന്നു വര്‍ഷത്തെ തടവും ലഭിക്കുമെന്ന് റെയില്‍വേ.
കഴിഞ്ഞ ദിവസം കോയമ്പത്തൂര്‍ വഴി പോകുകയായിരുന്ന സ്‌പെഷല്‍ ട്രെയിനില്‍ യാത്ര ചെയ്ത തീര്‍ഥാടകര്‍ കമ്പാര്‍ട്ട്‌മെന്റില്‍ പൂജ നടത്തുകയും കര്‍പ്പൂരം കത്തിക്കുകയും ചെയ്ത സംഭവത്തിന്റെ പശ്ചാത്തലത്തിലാണ് റെയില്‍വേ ഇക്കാര്യം അറിയിച്ചത്.
യാത്രക്കാരുടെ സുരക്ഷ ക്കായി വിവിധ നടപടികള്‍ റെയില്‍വേ സ്വീകരിക്കുന്നുണ്ട്. തീപ്പിടുത്ത സാധ്യതയുളള വസ്തുക്കളുമായി യാത്ര ചെയ്യുന്നത് അപകടം സൃഷ്ടിക്കും. ഇത്തരം വസ്തുക്കളുമായി ആരെങ്കിലും യാത്ര ചെയ്യുന്നത് കണ്ടെത്തിയാല്‍ ടി ടി ഇ, കോച്ച് അറ്റന്‍ഡന്റ്, ഗാര്‍ഡ്‌സ്, സ്‌റ്റേഷന്‍ മാസ്റ്റര്‍, ആര്‍ പി എഫ്, ഗവ റെയില്‍വേ പോലീസ് തുടങ്ങിയവരെ വിവരം അറിയിക്കണമെന്നും യാത്രക്കാര്‍ സഹകരിക്കണമെന്നും റെയില്‍വേ ആവശ്യപ്പെട്ടു. 182 എന്ന സുരക്ഷാ ഹെല്‍പ്പ ലൈന്‍ നമ്പറിലും പരാതികള്‍ രജിസ്റ്റര്‍ ചെയ്യാം.
Latest
ലൈംഗികാതിക്രമം; പ്രജ്വല്‍ രേവണ്ണയെ ജെഡിഎസില്‍ നിന്ന് സസ്പെന്‍ഡ് ചെയ്തു
കളങ്കിത കൂട്ടുകെട്ട് പൊതുപ്രവര്‍ത്തകര്‍ക്ക് ഭൂഷണമല്ല; ശോഭ സുരേന്ദ്രനെതിരെ ബിജെപി സംസ്ഥാന വൈസ് പ്രസിഡന്റ്
വൈദ്യുതി ഉപഭോഗം റെക്കോര്‍ഡ് പിന്നിട്ടു; ലോഡ് ഷെഡ്ഡിങ്ങ് ഏര്‍പ്പെടുത്തണമെന്ന് കെ എസ് ഇ ബി
കെ എസ് ആര്‍ ടി സിക്ക് കുറുകെ കാര്‍ നിര്‍ത്തി തടസം സൃഷ്ടിച്ചു; ആര്യ രാജേന്ദ്രനും സച്ചിന്‍ദേവിനുമെതിരെ കേസെടുക്കണമെന്ന് മനുഷ്യാവകാശ കമ്മീഷന് പരാതി
മക്‌ഡോണാള്‍ഡ്‌സില്‍ നിന്ന് ബര്‍ഗര്‍ കഴിച്ചയാള്‍ക്ക് ഭക്ഷ്യവിഷബാധ; പരാതിയില്‍ നടപടി
14കാരിയായ അതിജീവിതയ്ക്ക് ഗര്‍ഭച്ഛിദ്രത്തിന് അനുവാദം നല്‍കിയ ഉത്തരവ് തിരിച്ചുവിളിച്ച് സുപ്രീംകോടതി
