National
മഹാരാഷ്ട്ര സര്‍ക്കാറിന്റെ സത്യപ്രതിജ്ഞ 31ന്
മുംബൈ: മഹാരാഷ്ട്രയില്‍ പുതിയ ബി ജെ പി സര്‍ക്കാര്‍ ഈ മാസം 31ന് സത്യപ്രതിജ്ഞ ചെയ്ത് അധികാരമേല്‍ക്കും. പാര്‍ട്ടി വൃത്തങ്ങള്‍ അറിയിച്ചതാണ് ഇക്കാര്യം. പരിപാടിയില്‍ പ്രധാനമന്ത്രി നരേന്ദ്ര മോദി സംബന്ധിക്കും. പശ്ചിമ മുംബൈയിലെ വാംഖഡെ സ്റ്റേഡിയത്തിലാണ് സത്യപ്രതിജ്ഞാ ചടങ്ങ് നടക്കുക. പുതിയ മുഖ്യമന്ത്രിയെ ഇന്ന് തീരുമാനിക്കുമെന്നും പാര്‍ട്ടി വക്താക്കള്‍ കൂട്ടിച്ചേര്‍ത്തു.
പുതുതായി തിരഞ്ഞെടുക്കപ്പെടുന്ന വ്യക്തി ഗവര്‍ണര്‍ സി വിദ്യാസാഗറിനെ കണ്ട് പുതിയ സര്‍ക്കാര്‍ രൂപവത്കരിക്കാനുള്ള സന്നദ്ധത അറിയിക്കും. അതേസമയം, എപ്പോഴാണ് ഗവര്‍ണറുമായി കൂടിക്കാഴ്ച നടത്തുക എന്ന കാര്യം വ്യക്തമല്ല.
നിയമസഭാ അംഗങ്ങളുടെ യോഗത്തില്‍ ബി ജെ പി നേതാവ് രാജ്‌നാഥ് സിംഗ് സംബന്ധിക്കും. നേതാക്കളായ ജെ പി നദ്ദ, ഓം പ്രകാശ് മാതൂര്‍, രാജീവ് പ്രതാപ് റുദി എന്നിവരും നിയമസഭാ അംഗങ്ങളുടെ യോഗത്തില്‍ പങ്കെടുക്കും.
ദിവസങ്ങള്‍ നീണ്ടുനിന്ന ആശങ്കകള്‍ക്കവസാനമാണ് മഹാരാഷ്ട്രയില്‍ സര്‍ക്കാര്‍ രൂപവത്കരണത്തിനുള്ള നീക്കങ്ങള്‍ ഇപ്പോള്‍ സജീവമായിരിക്കുന്നത്. ശിവസേനക്ക് ബി ജെ പിയുമായി നിലനിന്നിരുന്ന അസ്വാരസ്യമാണ് സര്‍ക്കാര്‍ രൂപവത്കരണത്തില്‍ ഇതുവരെ കല്ലുകടിയായിരുന്നത്.
Latest
കളങ്കിത കൂട്ടുകെട്ട് പൊതുപ്രവര്‍ത്തകര്‍ക്ക് ഭൂഷണമല്ല; ശോഭ സുരേന്ദ്രനെതിരെ ബിജെപി സംസ്ഥാന വൈസ് പ്രസിഡന്റ്
വൈദ്യുതി ഉപഭോഗം റെക്കോര്‍ഡ് പിന്നിട്ടു; ലോഡ് ഷെഡ്ഡിങ്ങ് ഏര്‍പ്പെടുത്തണമെന്ന് കെ എസ് ഇ ബി
കെ എസ് ആര്‍ ടി സിക്ക് കുറുകെ കാര്‍ നിര്‍ത്തി തടസം സൃഷ്ടിച്ചു; ആര്യ രാജേന്ദ്രനും സച്ചിന്‍ദേവിനുമെതിരെ കേസെടുക്കണമെന്ന് മനുഷ്യാവകാശ കമ്മീഷന് പരാതി
മക്‌ഡോണാള്‍ഡ്‌സില്‍ നിന്ന് ബര്‍ഗര്‍ കഴിച്ചയാള്‍ക്ക് ഭക്ഷ്യവിഷബാധ; പരാതിയില്‍ നടപടി
14കാരിയായ അതിജീവിതയ്ക്ക് ഗര്‍ഭച്ഛിദ്രത്തിന് അനുവാദം നല്‍കിയ ഉത്തരവ് തിരിച്ചുവിളിച്ച് സുപ്രീംകോടതി
പാലക്കാട് ബാന്‍ഡ് മേളത്തിനിടെ ബ്യുഗിള്‍ കലാകാരന്‍ കുഴഞ്ഞു വീണ് മരിച്ചു
