Malappuram
അയ്യങ്കാളി തൊഴിലുറപ്പ് പദ്ധതി ഒച്ചിഴയും വേഗത്തില്‍
കോട്ടക്കല്‍: നഗരസഭയില്‍ നടപ്പിലാക്കുന്ന അയ്യങ്കാളി തൊഴിലുറപ്പ് പദ്ധതിക്കായുള്ള പ്രവര്‍ത്തനങ്ങള്‍ക്ക് വേഗത പോരന്ന് വ്യാപക പരാതി. ഈ വര്‍ഷം പദ്ധതിപ്രവര്‍ത്തനങ്ങള്‍ നഗരസഭയില്‍ നടപ്പിലാക്കിയിട്ടില്ലങ്കില്‍ നിലവില്‍ സര്‍ക്കാര്‍ അനുവദിച്ച 29 ലക്ഷം നഷ്ടമാകുമെന്ന ആശങ്ക നിലനില്‍ക്കുന്നുണ്ട്. പദ്ധതി പ്രവര്‍ത്തനങ്ങള്‍ക്ക് ചുക്കാന്‍ പിടിക്കുന്നതിനായി ഓവര്‍സിയര്‍മാരെ തേടുകയാണ് നഗരസഭ.
തൊഴിലുറപ്പ് പദ്ധതി നടപ്പിലാക്കുന്നതിനായി കൗണ്‍സിലര്‍മാര്‍ കാര്യമായ പരിശ്രമം നടത്തണമെന്ന് കഴിഞ്ഞ കൗണ്‍സില്‍ യോഗത്തില്‍ അഭിപ്രായമുയര്‍ന്നിരുന്നു. അടിക്കാടു വെട്ടുന്നതു പോലുള്ള പ്രവര്‍ത്തനങ്ങളാണ് സാധാരണ തൊഴിലുറപ്പ് പദ്ധതിയില്‍ വരുന്നതെങ്കിലും ചെറു തോടുകള്‍ തടയണ നിര്‍മിക്കുന്നതു പോലുള്ള പ്രവര്‍ത്തനങ്ങള്‍ നടത്താനാണ് കൗണ്‍സിലര്‍മാര്‍ക്ക് താല്‍പര്യം. വാര്‍ഡുകളില്‍ ഏതൊക്കെ പ്രവര്‍ത്തനങ്ങള്‍ നടത്തണമെന്ന റിപോര്‍ട്ട് അതാത് ജാഗ്രതാ സമിതികള്‍ നഗരസഭക്ക് കൈമാറിയിട്ടില്ല.
2011 ല്‍ കോട്ടക്കല്‍ നഗരസഭ തൊഴില്‍ ബജറ്റിനു വേണ്ടി സര്‍ക്കരിനോട് ഒരു കോടി ആവശ്യപ്പെട്ടിരുന്നു. ഇതു പ്രകാരം ഈ വര്‍ഷം 29 ലക്ഷമാണ് പാസായത്. നിലവില്‍ നഗരസഭയില്‍ 500 ഓളം തൊഴിലാളികള്‍ രജിസ്റ്റര്‍ ചെയ്തതില്‍ അധികവും സ്ത്രീകളാണ്.
പദ്ധതിയുമായി ബന്ധപ്പെട്ട വിവരങ്ങള്‍ ഓണ്‍ലൈനില്‍ പ്രദര്‍ശിപ്പിക്കണമെന്നാണ് ചട്ടം. ഇതിന്റെ പ്രവര്‍ത്തനങ്ങള്‍ നടന്നു വരുന്നതേയൊള്ളൂ.
രജിസ്റ്റര്‍ ചെയ്ത ഓരോരുത്തര്‍ക്കും പ്രത്യേകം കാര്‍ഡുകള്‍ ഉണ്ടാക്കിയിട്ടുണ്ട്. എന്നാല്‍ നഗരസഭാ ഓഫീസില്‍ നേരിട്ട് വന്ന് ആരും കാര്‍ഡ് കൈപറ്റാന്‍ തയ്യാറായിട്ടില്ലന്ന് ബന്ധപ്പെട്ടവര്‍ പറയുന്നു.
Latest
കളങ്കിത കൂട്ടുകെട്ട് പൊതുപ്രവര്‍ത്തകര്‍ക്ക് ഭൂഷണമല്ല; ശോഭ സുരേന്ദ്രനെതിരെ ബിജെപി സംസ്ഥാന വൈസ് പ്രസിഡന്റ്
വൈദ്യുതി ഉപഭോഗം റെക്കോര്‍ഡ് പിന്നിട്ടു; ലോഡ് ഷെഡ്ഡിങ്ങ് ഏര്‍പ്പെടുത്തണമെന്ന് കെ എസ് ഇ ബി
കെ എസ് ആര്‍ ടി സിക്ക് കുറുകെ കാര്‍ നിര്‍ത്തി തടസം സൃഷ്ടിച്ചു; ആര്യ രാജേന്ദ്രനും സച്ചിന്‍ദേവിനുമെതിരെ കേസെടുക്കണമെന്ന് മനുഷ്യാവകാശ കമ്മീഷന് പരാതി
മക്‌ഡോണാള്‍ഡ്‌സില്‍ നിന്ന് ബര്‍ഗര്‍ കഴിച്ചയാള്‍ക്ക് ഭക്ഷ്യവിഷബാധ; പരാതിയില്‍ നടപടി
14കാരിയായ അതിജീവിതയ്ക്ക് ഗര്‍ഭച്ഛിദ്രത്തിന് അനുവാദം നല്‍കിയ ഉത്തരവ് തിരിച്ചുവിളിച്ച് സുപ്രീംകോടതി
പാലക്കാട് ബാന്‍ഡ് മേളത്തിനിടെ ബ്യുഗിള്‍ കലാകാരന്‍ കുഴഞ്ഞു വീണ് മരിച്ചു
