Education
കേരളത്തിലെ ഉന്നത വിദ്യാഭ്യാസരംഗം ആഗോള മികവിലേക്കുയരണം: എസ് എസ് എഫ് പ്രൊഫ്സമ്മിറ്റ്
എസ് എസ് എഫ് പ്രൊഫ്സമ്മിറ്റ് സമാപന സെഷന്‍ സയ്യിദ് ഇബ്റാഹീമുല്‍ ഖലീല്‍ ബുഖാരി ഉദ്ഘാടനം ചെയ്യുന്നു
കോഴിക്കോട് | കേരളത്തിലെ ഉന്നതവിദ്യാഭ്യാസരംഗം ഏറെ നിരാശപ്പെടുത്തുന്നുവെന്നും മികച്ച നിലവാരത്തിലേക്ക് ഉയര്‍ത്തിക്കൊണ്ടുവരാനുള്ള പദ്ധതികള്‍ അടിയന്തര പ്രാധാന്യത്തോടെ കൈക്കൊള്ളണമെന്നും എസ് എസ് എഫ് പ്രൊഫ്സമ്മിറ്റ്, പ്രൊഫഷണല്‍ വിദ്യാര്‍ഥി സമ്മേളനം ആവശ്യപ്പെട്ടു. യൂനിവേഴ്‌സിറ്റി, കോളേജ്, എൻജിനീയറിംഗ്, ലോ, ഡെന്റല്‍ തുടങ്ങിയ വ്യത്യസ്ത വിഭാഗങ്ങളില്‍ രാജ്യത്തെ വിദ്യാഭ്യാസ സ്ഥാപനങ്ങളുടെ മികവിന്റെ അടിസ്ഥാനത്തിലുള്ള കേന്ദ്ര മാനവ വിഭവശേഷി മന്ത്രാലയത്തിന്റെ കഴിഞ്ഞ വര്‍ഷത്തെ റാങ്കിംഗ് പട്ടികയുടെ ആദ്യ പത്തില്‍ കേരളത്തില്‍ നിന്ന് ഇടം പിടിച്ചത് ഒരു സ്ഥാപനം മാത്രമാണ്.
ഉന്നതവിദ്യാഭ്യാസരംഗം കൈകാര്യം ചെയ്യാനായി വകുപ്പ് മന്ത്രിയുള്ള സംസ്ഥാനമാണ് നമ്മുടേത്. ആ സാധ്യതയെ കൃത്യമായ ആസൂത്രണങ്ങളോടെ ഉപയോഗപ്പെടുത്താനാകണം. ഇതിനായി ലോകത്തെ മുന്‍നിര സര്‍വകലാശാലകളിലെ രീതികള്‍ പഠിച്ച് മാതൃകായോഗ്യമായവ സ്വീകരിക്കേണ്ടതുണ്ട്. മികച്ച അക്കാദമിക് അന്തരീക്ഷം ലഭിക്കുന്നതിന് കേരളത്തിന് പുറത്തേക്ക് പോകാന്‍ വിദ്യാര്‍ഥികള്‍ നിര്‍ബന്ധിതരാകുന്ന അവസ്ഥ ഗൗരവമായി കാണേണ്ടതുണ്ടെന്നും സമ്മേളനം ചൂണ്ടിക്കാട്ടി. വിദ്യാര്‍ഥി സൗഹൃദമായ പദ്ധതികളിലൂടെ കേരളത്തിന്റെ ഉന്നതവിദ്യാഭ്യാസരംഗത്തെ നിലവാരം മികച്ചതാക്കാന്‍ കഴിയുമെന്നും പ്രമേയം ചൂണ്ടിക്കാട്ടി. എസ് എസ് എഫ് സംസ്ഥാന കാമ്പസ് സെക്രട്ടറി ഡോ.അബൂബക്കര്‍ കാടാമ്പുഴ പ്രമേയം അവതരിപ്പിച്ചു.
Latest
'കൂട്ടുപ്രതിയെ തള്ളിപ്പറഞ്ഞ് ഒന്നാം പ്രതി രക്ഷപ്പെടാന്‍ ശ്രമിക്കുന്നു'; മുഖ്യമന്ത്രിക്കെതിരെ വി ഡി സതീശന്‍
വിവി പാറ്റ് കേസിലെ സുപ്രീംകോടതി വിധി സ്വാഗതം ചെയ്ത് പ്രധാനമന്ത്രി നരേന്ദ്രമോദി
വനിതാ ഹോസ്റ്റലില്‍ നിന്നും 1.3കിലോ കഞ്ചാവ് പിടികൂടി; രണ്ട് പേര്‍ അറസ്റ്റില്‍
മോദി പരിഭ്രാന്തിയില്‍, താമസിയാതെ വേദിയില്‍ പൊട്ടിക്കരഞ്ഞേക്കും: രാഹുല്‍
കോഴിക്കോട് കക്കാടംപൊയിലില്‍ വോട്ട് ചെയ്യാന്‍ പോയ കുടുംബം സഞ്ചരിച്ച കാര്‍ കത്തി നശിച്ചു
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
