Covid19
കണ്ണൂരില് കൊവിഡ് പോസിറ്റീവായ യുവതി ഇരട്ടക്കുട്ടികള്ക്ക് ജന്മം നല്കി
കണ്ണൂര് | കണ്ണൂര് ഗവണ്മെന്റ് മെഡിക്കല് കോളജില് കൊവിഡ് പോസിറ്റീവായ യുവതി ഇരട്ടക്കുട്ടികള്ക്ക് ജന്മം നല്കി. ഇതാദ്യമായാണ് കോവിഡ് പോസിറ്റീവായ യുവതി ഇരട്ടക്കുട്ടികള്ക്ക് ജന്മം നല്കിയത്.
കോവിഡ് സ്ഥിരീകരിക്കപ്പെട്ട കണ്ണൂര് സ്വദേശിനിയായ 32 കാരിയാണ് ഇരട്ടക്കുട്ടികള്ക്ക് ജന്മം നല്കിയത്. ഐ.വി.എഫ് ചികിത്സ വഴിയാണ് യുവതി ഗര്ഭം ധരിച്ചത്. കണ്ണൂര് മെഡിക്കല് കോളേജ് ആശുപത്രിയില് ചികിത്സ തേടുന്ന അമ്പതാമത്തെ കോവിഡ് പോസിറ്റീവ് ഗര്ഭിണിയാണ് ഇവര്. ഒമ്പതാമത്തെ സിസേറിയന് വഴിയുള്ള പ്രസവമാണിത്.
കോവിഡ് പ്രതിരോധ പ്രവര്ത്തനങ്ങളില് മുഴുകുന്ന ഈ സമയത്ത് ഇതുപോലുള്ള വാര്ത്തകള് സന്തോഷം പകരുന്നുവെന്ന് വാര്ത്ത പങ്കുവെച്ച് മന്ത്രി കെ കെ ശൈലജ ഫേസ്ബുക്കില് കുറിച്ചു. കോവിഡ് ചികിത്സയില് കേരളം മറ്റൊരു ചരിത്ര നിമിഷത്തിന് കൂടി സാക്ഷിയാകുകയാണ്. ആരോഗ്യ പ്രവര്ത്തകര് ചെയ്യന്ന വലിയ സേവനങ്ങളുടെ ഉദാഹരണമാണിത്. കുഞ്ഞിനും അമ്മയ്ക്കും എല്ലാവിധ ആശംസകളും നേരുന്നുവെന്നും അവര് വ്യക്തമാക്കി.