Kerala
അമ്മ യോഗം കണ്ടെയ്മെന്റ് സോണില്; പ്രതിഷേധത്തെ തുടര്ന്ന് നിര്ത്തിവെച്ചു
കൊച്ചി |കണ്ടെയ്മെന്റ് സോണായ ചക്കരപ്പറമ്പ് ഹോളി ഡേ ഇന് ഹോട്ടലില് ചേര്ന്ന അമ്മയുടെ നിര്വാഹകസമിതി യോഗത്തിനെതിരെ യൂത്ത് കോണ്ഗ്രസിന്റെ പ്രതിഷേധംം.പ്രതിഷേധത്തെത്തുടര്ന്ന് യോഗം നിര്ത്തിവെച്ചു. സംഭവത്തില് തെറ്റ് പറ്റിയിട്ടുണ്ടെങ്കില് നടപടി സ്വീകരിക്കുമെന്ന് ജില്ലാ കലക്ടര് വ്യക്തമാക്കി. അതേ സമയം കൊവിഡ് പ്രതിസന്ധി മറികടക്കാന് 50 ശതമാനം വരെ പ്രതിഫലം കുറക്കാന് തയ്യാറാണെന്ന് അമ്മ പ്രൊഡ്യൂസേഴ്സ് അസോസിയേഷനെ അറിയിക്കും.
കൊവിഡ് പ്രതിസന്ധി പരിഗണിച്ച് താരങ്ങള് പ്രതിഫലം കുറക്കണമെന്ന് ഫിലിം പ്രൊഡ്യുസേഴ്സ് അസോസിയേഷന് ആവശ്യപ്പെട്ടിരുന്നു. സൂപ്പര്താരങ്ങള് ഉള്പ്പെടെ പ്രതിഫലം പകുതിയെങ്കിലും കുറക്കണമെന്നായിരുന്നു നിര്മ്മാതാക്കളുടെ നിര്ദേശം. ചലച്ചിത്ര സംഘടനകളുമായി ചര്ച്ചയില്ലാതെ ഇത്തരമൊരു ആവശ്യം നിര്മ്മാതാക്കള് പരസ്യമായി ഉന്നയിച്ചത് അമ്മ സംഘടനയില് എതിര്പ്പുയര്ത്തിയിരുന്നു. അതിനാലാണ് നിര്വാഹക സമിതിയോഗം കൂടിയത്.