Kerala
കേരളത്തില് ഉഷ്ണതരംഗ മുന്നറിയിപ്പുമായി കേന്ദ്ര കാലാവസ്ഥാ വകുപ്പ്
തിരുവനന്തപുരം:കേരളത്തില് വിവിധ പ്രദേശങ്ങളില് വരും ദിവസങ്ങളില് ചൂട് ശരാശരിയില് നിന്നും കൂടുവാന് ഉള്ള സാധ്യതയുണ്ട് എന്ന് കേന്ദ്ര കാലാവസ്ഥാ വകുപ്പിന്റെ മോഡല് അവലോകനങ്ങളില് കാണുന്നു. നിലവിലെ അനുമാനപ്രകാരം കേരളത്തില് പൊതുവില് രണ്ട് മുതല് നാല് ഡിഗ്രി വരെ ചൂട് കൂടുതല് ആയേക്കാം. പാലക്കാട്, തൃശൂര്, മലപ്പുറം, കോഴിക്കോട് മേഖലയില് ചില ഇടങ്ങളില് എങ്കിലും ശരാശരിയില്നിന്നും എട്ട് ഡിഗ്രിയില് അധികം ചൂട് വര്ദ്ധിക്കുവാന് സാധ്യതയുണ്ട് എന്നും നിലവിലെ അനുമാനം സൂചിപ്പിക്കുന്നു.
ഈ സാഹചര്യത്തില് സൂര്യാഘാതം ഒഴിവാക്കുവാനായി പൊതുജനങ്ങള്ക്കായി കേന്ദ്ര കാലാവസ്ഥാ വകുപ്പ് നടപടികള് നിര്ദേശിച്ചു പൊതുജനങ്ങള് 11 മുതല്മൂന്ന് വരെ എങ്കിലും നേരിട്ട് സൂര്യപ്രകാശം എല്ക്കുന്നതിന് ഒഴിവാക്കണം .
നിര്ജലീകരണം തടയാന് കുടിവെള്ളം എപ്പോഴും ഒരു ചെറിയ കുപ്പിയില് കയ്യില് കരുതുക. പരമാവധി ശുദ്ധജലം കുടിക്കുക
അയഞ്ഞ, ലൈറ്റ് കളര് പരുത്തി വസ്ത്രങ്ങള് ധരിക്കുക. വിദ്യാര്ത്ഥികളുടെ പരീക്ഷാക്കാലമായതിനാല് സ്കൂള് അധികൃതരും രക്ഷിതാക്കളും പ്രത്യേകശ്രദ്ധ പുലര്ത്തേണ്ടതാണ്. ദുരന്തനിവാരണ അതോറിറ്റിയും ആരോഗ്യവകുപ്പും തൊഴില് വകുപ്പും നല്കുന്ന നിര്ദ്ദേശങ്ങള് എല്ലാവരും പാലിക്കണം.തൊഴില് സമയം പുനഃക്രമീകരിച്ചു വേനല്ക്കാലത്ത് താപനില ക്രമാതീതമായി ഉയരുന്നതിനാല് തൊഴിലാളികള്ക്ക് സൂര്യാഘാതം ഏല്ക്കാനുള്ള സാധ്യത മുന്നിര്ത്തി സൂര്യപ്രകാശം നേരിട്ട് എല്ക്കേണ്ടി വരുന്ന തൊഴില് സമയം പുനഃക്രമീകരിച്ച് ലേബര് കമ്മീഷണര് ഉത്തരവിട്ടിട്ടുണ്ട്.