International
കിഴക്കന്‍ ഗൗതയില്‍ നിന്ന് കുടിയൊഴിപ്പിക്കല്‍ തുടരുന്നു
ദമസ്‌കസ്: സിറിയന്‍ സൈന്യത്തിന്റെ ആക്രമണം തുടരുന്നതിനിടെ കിഴക്കന്‍ ഗൗതയില്‍ നിന്ന് പതിനായിരങ്ങളെ ഒഴിപ്പിക്കല്‍ നടപടികള്‍ പുരോഗമിക്കുന്നു. കഴിഞ്ഞ കുറച്ചുദിവസങ്ങളിലായി വന്‍തോതില്‍ ആളുകള്‍ ഒഴിഞ്ഞുപോക്ക് തുടരുകയാണ്. ഇര്‍ബിനില്‍ നിന്ന് കഴിഞ്ഞ ദിവസം വിമതരും ദേശവാസികളുമായ അഞ്ഞൂറിലധികം പേരെ ഒഴിപ്പിച്ചതായി സിറിയന്‍ വാര്‍ത്താ ഏജന്‍സി സന റിപ്പോര്‍ട്ട് ചെയ്തു. ഇനിയും കൂടുതല്‍ പേര്‍ ഇവിടെ നിന്ന് പലായനം ചെയ്യാന്‍ കാത്തിരിക്കുന്നുമുണ്ട്.
ഒഴിഞ്ഞുപോകുന്നവരെ സിറിയന്‍ സര്‍ക്കാര്‍ നിയന്ത്രണത്തിലുള്ള കിഴക്കന്‍ ദമസ്‌കസിലേക്കാണ് മാറ്റിപ്പാര്‍പ്പിക്കുന്നത്. മൂന്ന് വിമത ഗ്രൂപ്പുകളില്‍ രണ്ട് ഗ്രൂപ്പുകള്‍ ഇതിനകം സിറിയന്‍ സൈന്യത്തിന് മുന്നില്‍ കീഴടങ്ങിയിട്ടുണ്ട്. റഷ്യന്‍ സൈന്യവും വിമതരും തമ്മില്‍ നടത്തിയ ചര്‍ച്ചകള്‍ക്കൊടുവില്‍ ധാരണയായ കരാറനുസരിച്ചാണ് വിമതര്‍ കീഴടങ്ങിയത്. ഇവരെ ഇദ്‌ലിബിലെ വിമത നിയന്ത്രണ ഭാഗങ്ങളിലേക്ക് മാറ്റിപ്പാര്‍പ്പിക്കും. വിമത സൈനികരോടൊപ്പം അവരുടെ കുടുംബാംഗങ്ങളെയും ഒഴിപ്പിക്കുന്നുണ്ട്.
കഴിഞ്ഞ മാസം 18 മുതല്‍ സിറിയന്‍ സൈന്യവും റഷ്യന്‍ സൈന്യവും സംയുക്തമായി കിഴക്കന്‍ ഗൗതയിലെ വിമതര്‍ക്ക് നേരെ ആക്രമണം ശക്തിപ്പെടുത്തിയിരുന്നു. ഇതിനെ തുടര്‍ന്ന് കിഴക്കന്‍ ഗൗതയുടെ ഭൂരിഭാഗം പ്രദേശങ്ങളും പിടിച്ചെടുക്കുകയും ചെയ്തിരുന്നു. സൈനിക നടപടിക്കിടെ 1500 പേര്‍ കൊല്ലപ്പെട്ടതായും അയ്യായിരത്തിലധികം പേര്‍ക്ക് പരുക്കേറ്റതായും കണക്കുകള്‍ വ്യക്തമാക്കുന്നു.
Latest
വൈദ്യുതി ഉപഭോഗം റെക്കോര്‍ഡ് പിന്നിട്ടു; ലോഡ് ഷെഡ്ഡിങ്ങ് ഏര്‍പ്പെടുത്തണമെന്ന് കെ എസ് ഇ ബി
കെ എസ് ആര്‍ ടി സിക്ക് കുറുകെ കാര്‍ നിര്‍ത്തി തടസം സൃഷ്ടിച്ചു; ആര്യ രാജേന്ദ്രനും സച്ചിന്‍ദേവിനുമെതിരെ കേസെടുക്കണമെന്ന് മനുഷ്യാവകാശ കമ്മീഷന് പരാതി
മക്‌ഡോണാള്‍ഡ്‌സില്‍ നിന്ന് ബര്‍ഗര്‍ കഴിച്ചയാള്‍ക്ക് ഭക്ഷ്യവിഷബാധ; പരാതിയില്‍ നടപടി
14കാരിയായ അതിജീവിതയ്ക്ക് ഗര്‍ഭച്ഛിദ്രത്തിന് അനുവാദം നല്‍കിയ ഉത്തരവ് തിരിച്ചുവിളിച്ച് സുപ്രീംകോടതി
പാലക്കാട് ബാന്‍ഡ് മേളത്തിനിടെ ബ്യുഗിള്‍ കലാകാരന്‍ കുഴഞ്ഞു വീണ് മരിച്ചു
സുപ്രീംകോടതി അഡ്വക്കേറ്റ്‌സ് ഓണ്‍ റെക്കോര്‍ഡ് അസോസിയേഷന്‍ അധ്യക്ഷനായി വിപിന്‍ നായരെ തിരഞ്ഞെടുത്തു
