Gulf
കുവൈത്തില് പ്രധാനമന്ത്രിക്ക് എതിരെ എംപിമാരുടെ കുറ്റവിചാരണാ പ്രമേയം
കുവൈത്ത് സിറ്റി: കുവൈത്ത് പ്രധാനമന്ത്രി ശൈഖ് ജാബിര് അല് മുബാറക് അല് ഹമദ് അസ്സബാഹിനെതിരെ പാര്ലമെന്റില് കുറ്റവിചാരണാ പ്രമേയം സമര്പ്പിച്ചു. എം.പിമാരായ ഡോ. വലീദ് അല് തബ്തബാഇ, മര്സൂഖ് അല് ഖലീഫ, മുഹമ്മദ് അല് മുതൈര് എന്നി എം പിമാര് ബുധനാഴ്ച രാവിലെ പാര്ലമെന്റ് സ്പീക്കര് മര്സൂഖ് അല് ഗാനിമിന്റെ ഓഫിസിലെത്തിയാണ് കുറ്റവിചാരണക്കുള്ള നോട്ടീസ് കൈമാറിയത്. പ്രതികാരബുദ്ധിയോടെ സ്വദേശികളുടെ പൗരത്വം പിന്വലിക്കുന്നതുള്പ്പെടെ അഞ്ചു കാര്യങ്ങളാണ് കുറ്റവിചാരണയില് പ്രധാനമായും ചൂണ്ടിക്കാട്ടിയത്.
അന്താരാഷ്ട്ര ഉടമ്പടികള്ക്കും മാനദണ്ഡങ്ങള്ക്കും വിരുദ്ധമായ നയങ്ങള് നടപ്പാക്കല്, തന്ത്രപ്രധാനമായ തസ്തികകളില് യോഗ്യതയും അര്ഹതയുമില്ലാത്തവരെ നിയമിക്കല്, രാജ്യത്തിന്റെ യഥാര്ഥ താല്പര്യം മനസ്സിലാക്കാതെയുള്ള സര്ക്കാറിന്റെ തീരുമാനങ്ങള്, പിടിപ്പുകേടുകൊണ്ട് പൊതുമുതല് നശിക്കുമ്പോള് തന്നെ ജല-വൈദ്യുതി ബില് വര്ധിപ്പിക്കുമെന്ന സര്ക്കാറിന്റെ ഉറച്ച നിലപാട് എന്നീ കാര്യങ്ങളാണ് പ്രമേയത്തില് എടുത്ത് പറഞ്ഞത്.
ഇതോടെ, 15ാം പാര്ലമെന്റും ശൈഖ് ജാബിര് അല് മുബാറക് അല് ഹമദ് അസ്സബാഹിന്റെ നേതൃത്വത്തില് പുതിയ മന്ത്രിസഭയും നിലവില്വന്ന ശേഷം സമര്പ്പിക്കപ്പെടുന്ന രണ്ടാമത്തെ കുറ്റവിചാരണയും പ്രധാനമന്ത്രിക്കെതിരെയുള്ള ആദ്യ കുറ്റവിചാരണയുമായി ഇതുമാറി. അന്താരാഷ്ട്ര തലത്തില് കുവൈത്ത് നേരിടുന്ന കായിക വിലക്ക് മറികടക്കാനുള്ള നടപടികളിലെ പോരായ്മ ചൂണ്ടിക്കാട്ടി കായികമന്ത്രി ശൈഖ് സല്മാന് അല് ഹമൂദ് അസ്സബാഹിനെതിരെയാണ് ആദ്യത്തെ കുറ്റവിചാരണ സമര്പ്പിക്കപ്പെട്ടത്.
പ്രമേയം പാര്ലമെന്റില് ചര്ച്ചക്കുവരുന്നതിന് മുമ്പ് മന്ത്രി രാജിവെച്ചതിനാല് പ്രതിസന്ധി ഒഴിവാകുകയായിരുന്നു. പ്രധാനമന്ത്രിക്കെതിരെ സമര്പ്പിച്ച കുറ്റവിചാരണാ പ്രമേയം ഈമാസം 25ന് പാര്ലമെന്റില് ചര്ച്ചചെയ്യുമെന്ന് സ്പീക്കര് മര്സൂഖ് അല് ഗാനിം വ്യക്തമാക്കി.
Latest
മലയാളിയായ വി നന്ദകുമാർ റീട്ടെയ്ൽ പ്രൊഫഷണൽ ഓഫ് ദി ഇയർ
കടമെടുപ്പ് പരിധിയില് നിന്ന് 5900 കോടി കൂടി കുറച്ച് കേന്ദ്രം, സര്ക്കാറിന് വലിയ പ്രതിസന്ധികള് ഉണ്ടാക്കും; കെ എന് ബാലഗോപാല്
അങ്കണ്വാടിയില് കടന്നല് ആക്രമണത്തില് കുട്ടികള് ഉള്പ്പെടെ എട്ട് പേര്ക്ക് പരുക്ക്
വാണിയംകുളത്ത് പെട്രോള് പമ്പിന് തീയിടാന് ശ്രമിച്ച സംഭവം; രണ്ട് പേര് അറസ്റ്റില്
കുവൈത്ത്; കാൽനട യാത്രക്കാരുടെയും വാഹന യാത്രക്കാരുടെയും സുരക്ഷ ഉറപ്പാക്കാൻ മുനിസിപ്പൽ കൗൺസിൽ പുതിയ നിർദേശങ്ങൾ
നിയമപോരാട്ടത്തിന് കോണ്ഗ്രസ് പിന്തുണ നല്കും; പാരഡി ഗാന രചിയിതാവ് കുഞ്ഞബ്ദുള്ളയെ ഫോണില് വിളിച്ച് കെ സി വേണുഗോപാല്
