Gulf
പൊടിക്കാറ്റ് തുടരുന്നു; ജനജീവിതത്തെ ബാധിച്ചു
ദുബൈ: യു എ ഇയില്‍ പൊടിക്കാറ്റ് ഇന്നലെയും തുടര്‍ന്നു. വാരാന്ത്യ ദിനമായിട്ടും പലരും പുറത്തിറങ്ങിയില്ല. ദൂരക്കാഴ്ച കുറവായതിനാല്‍ വാഹനമോടിക്കുന്നവര്‍ ജാഗ്രത പാലിക്കണമെന്നും അത്യാവശ്യമല്ലാത്ത യാത്രകള്‍ ഒഴിവാക്കണമെന്നും ദേശീയ കാലാവസ്ഥാ നിരീക്ഷണ കേന്ദ്രം (എന്‍ സി എം എസ്)മുന്നറിയിപ്പ് നല്‍കി.
ബുധന്‍ മുതല്‍ രാജ്യത്തുടനീളം പൊടിക്കാറ്റ് വീശിക്കൊണ്ടിരിക്കുകയാണ്. താപനില കുറഞ്ഞു. പൊടിക്കാറ്റ് ഇന്നും തുടരുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി. കടല്‍ക്ഷോഭമുണ്ടാകുമെന്നതിനാല്‍ മത്സ്യബന്ധനക്കാരും ജാഗ്രത പാലിക്കണം. ഇന്നലെ രാത്രിയോടെ ശക്തമായ കാറ്റുവീശുകയും പൊടിപടലങ്ങള്‍ അന്തരീക്ഷത്തില്‍ നിറഞ്ഞ് ദൂരക്കാഴ്ച കുറയുകയും ചെയ്തു.
പുറംജോലിയിലേര്‍പ്പെട്ട തൊഴിലാളികളും ഡെലിവറി ബോയിമാരും ശക്തമായ പൊടിക്കാറ്റില്‍ ഏറെ പ്രയാസമനുഭവിക്കുന്നു. പൊടി ശരീരത്തിനകത്തേയ്ക്ക് കടന്നു പലര്‍ക്കും ചുമയും ജലദോഷവും പിടിപ്പെട്ടു. പൊടി അലര്‍ജിയാകുന്നവര്‍ കഴിവതും പുറത്തിറങ്ങരുതെന്നും അടിയന്തരാവശ്യത്തിന് ഇറങ്ങുകയാണെങ്കില്‍ മുന്‍കരുതലുകളെടുക്കണമെന്നും ആരോഗ്യ വിദഗ്ധര്‍ നിര്‍ദേശിച്ചു. സ്ഥാപനത്തിന് പുറത്ത് പ്രദര്‍ശിപ്പിക്കുന്ന ഉത്പന്നങ്ങളിലൊക്കെ പൊടി നിറഞ്ഞതിനാല്‍ പലതും ഉപയോഗശൂന്യമായതായി വ്യാപാരികള്‍ പറഞ്ഞു.
Latest
വൈദ്യുതി ഉപഭോഗം റെക്കോര്‍ഡ് പിന്നിട്ടു; ലോഡ് ഷെഡ്ഡിങ്ങ് ഏര്‍പ്പെടുത്തണമെന്ന് കെ എസ് ഇ ബി
കെ എസ് ആര്‍ ടി സിക്ക് കുറുകെ കാര്‍ നിര്‍ത്തി തടസം സൃഷ്ടിച്ചു; ആര്യ രാജേന്ദ്രനും സച്ചിന്‍ദേവിനുമെതിരെ കേസെടുക്കണമെന്ന് മനുഷ്യാവകാശ കമ്മീഷന് പരാതി
മക്‌ഡോണാള്‍ഡ്‌സില്‍ നിന്ന് ബര്‍ഗര്‍ കഴിച്ചയാള്‍ക്ക് ഭക്ഷ്യവിഷബാധ; പരാതിയില്‍ നടപടി
14കാരിയായ അതിജീവിതയ്ക്ക് ഗര്‍ഭച്ഛിദ്രത്തിന് അനുവാദം നല്‍കിയ ഉത്തരവ് തിരിച്ചുവിളിച്ച് സുപ്രീംകോടതി
പാലക്കാട് ബാന്‍ഡ് മേളത്തിനിടെ ബ്യുഗിള്‍ കലാകാരന്‍ കുഴഞ്ഞു വീണ് മരിച്ചു
സുപ്രീംകോടതി അഡ്വക്കേറ്റ്‌സ് ഓണ്‍ റെക്കോര്‍ഡ് അസോസിയേഷന്‍ അധ്യക്ഷനായി വിപിന്‍ നായരെ തിരഞ്ഞെടുത്തു
