Gulf
വാടകകാശുമായി കണ്ണൂര്‍ സ്വദേശി നാട്ടിലേക്ക് മുങ്ങി
ഷാര്‍ജ: ഷാര്‍ജയിലുള്ള റീമാക്‌സ് റിയല്‍റ്റേഴ്‌സിലെ അക്കൗണ്ടന്റായിരുന്ന, കണ്ണൂര്‍ സിറ്റി ആസാദ് റോഡ് സ്വദേശി, ജോലി ചെയ്തിരുന്ന സ്ഥാപനത്തിലെ ഒരുലക്ഷത്തി മുപ്പത്തയ്യായിരം ദിര്‍ഹം (ഇരുപത്തി മൂന്ന് ലക്ഷത്തോളം ഇന്ത്യന്‍ രൂപയുമായി) നാട്ടിലേക്ക് മുങ്ങിയതായി പരാതി.
കഴിഞ്ഞ 12 വര്‍ഷമായി യു എ ഇ സ്വദേശി സാലിം മുഹമ്മദ് അബ്ദുല്ല അല്‍ ഖയാല്‍ എന്നയാളുടെ ഉടമസ്ഥതയിലുള്ള റിമാക്‌സ് റിയല്‍റ്റേഴ്‌സ് എന്ന റിയല്‍ എസ്റ്റേറ്റ് സ്ഥാപനത്തില്‍ ജോലിചെയ്ത് വരുകയായിരുന്നു ഇയാള്‍. ആത്മാര്‍ഥമായ പ്രവര്‍ത്തനത്തിലൂടെ സ്ഥാപനയുടമയുടെ വിശ്വാസ്ഥനായിതീര്‍ന്നു. ശേഷം കഴിഞ്ഞ ജനുവരി മാസത്തില്‍ അച്ഛന് സുഖമില്ലാത്തത് കാരണം അത്യാവശ്യമായി ഒമാനിലേക്ക് പോകുന്നതിനായി രണ്ട് ദിവസത്തെ അവധി വാങ്ങി കുടുംബ സമേതം നാട്ടിലേക്ക് മുങ്ങുകയായിരുന്നുവത്രെ. എന്നാല്‍ നാട്ടിലേക്ക് പോയ ആള്‍ സ്ഥാപനയുടമയെ ബന്ധപ്പെടുകയൊ തിരികെ വരുകയൊ ചെയ്തില്ല. തുടര്‍ന്ന് സ്ഥാപനത്തിലെ കണക്ക് പരിശോധിച്ചപ്പോഴാണ് വാടക ഇനത്തില്‍ സ്വീകരിച്ച ഒരുലക്ഷത്തി മുപ്പത്തയ്യായിരം ദിര്‍ഹവുമായാണ് ഇയാള്‍ കടന്ന് കളഞ്ഞതെന്ന് മനസ്സിലാകുന്നത്.
ഇയാള്‍ക്കെതിരെ പണാപഹരണ കുറ്റം ആരോപിച്ച് ഷാര്‍ജയിലെ അലി ഇബ്രാഹിം അഡ്വക്കേറ്റ്‌സിലെ നിയമ പ്രതിനിധി സലാം പാപ്പിനിശ്ശേരി മുഖേന ഷാര്‍ജ അല്‍ ഖര്‍ബ് പോലീസില്‍ പരാതി നല്‍കിരിയിക്കുകയാണ് . ഇതുമായി ബന്ധപ്പെട്ട് ആഭ്യന്തരമന്ത്രി രമേശ് ചെന്നിത്തല മുഖ്യമന്ത്രി ഉമ്മന്‍ ചാണ്ടി കണ്ണൂര്‍ എസ് പി എന്നിവര്‍ക്ക് പരാതി നല്‍കിയിട്ടുണ്ട്.
Latest
ഗ്രൗണ്ടുകളായില്ല; ഡ്രൈവിംഗ് ടെസ്റ്റ് പരിഷ്കരണത്തില് ഇളവ്
കേരള മുസ്ലിം ജമാഅത്ത് സംസ്ഥാന കൗണ്സില് ഇന്നും നാളെയും
ഊട്ടി, കൊടൈക്കനാല് യാത്രക്ക് ഇ പാസ്സ്
യുവാവിനെ തലക്കടിച്ചു കൊന്നു; പ്രതി കസ്റ്റഡിയില്
കണ്ണൂര്‍ ചെറുകുന്നില് വാഹനാപകടം; അഞ്ചുപേര് മരിച്ചു
അബൂദബി അന്താരാഷ്ട്ര പുസ്തകമേളക്ക് പ്രദര്ശന നഗരിയില് പ്രൗഢ തുടക്കം
