Wayanad
പണിമുടക്കിനിടെ ഓടിയ ബസുകള്‍ തൊഴിലാളികള്‍ തടഞ്ഞു
മാനന്തവാടി: സ്വകാര്യ ബസ്സുകളുടെ അനിശ്ചിതകാല പണിമുടക്കിനിടെ ഓടിയ ബസ്സുകള്‍ തൊഴിലാളികള്‍ തടഞ്ഞു.
ഇന്നലെ മാനന്തവാടി ബസ്സ് സ്റ്റാന്‍ഡില്‍ വെച്ചും മറ്റുമായാണ് റൂട്ടിലിറങ്ങിയ നാല് സ്വകാര്യബസ്സുകള്‍ തൊഴിലാളികള്‍ തടഞ്ഞത്. ബസ്സില്‍ കയറ്റിയ യാത്രക്കാരെ ഇറക്കി വിടുകയും ചെയ്തു.
വേതന വര്‍ധനവ് ആവശ്യപ്പെട്ടാണ് സംയുക്ത തൊഴിലാളി യൂണിയന്റെ നേതൃത്വത്തില്‍ 20 മുതല്‍ സമരം ആരംഭിച്ചത്. ജില്ലാ കലക്ടര്‍, എ ഡി എം, ജില്ലാ ലേബര്‍ ഓഫീസര്‍ അടക്കം ഇടപെട്ട് നിരവധി തവണ തൊഴിലാലികളും ഉടമകളും തമ്മില്‍ ചര്‍ച്ച നടത്തിയെങ്കിലും തീരുമാനമാകാതെ പിരിയുകയായിരുന്നു. സമരം അവസാനിപ്പിക്കുന്നത് വരെ ഒരു ബസ്സും റൂട്ടിലിറക്കാന്‍ അനുവദിക്കില്ലെന്ന നിലപാടിലാണ് തൊഴിലാളികള്‍. ന്യായമായ വേതന വര്‍ധനവ് പോലും അനുവദിക്കാന്‍ ബസ്സുടമകള്‍ തയ്യാറാകുന്നില്ലെന്ന് യൂണിയന്‍ നേതാക്കള്‍ ആരോപിച്ചു. തൊഴിലാളികള്‍ക്ക് നിയമപരമായ എല്ലാ ആനുകൂല്യങ്ങളും നല്‍കാന്‍ തയ്യാറാണെന്നും സ്വകാര്യ ബസ് വ്യവസായം നടത്തി കൊണ്ട് പോകാന്‍ കഴിയാത്ത അവസ്ഥയിലാണുള്ളതെന്നും ബസ്സുടമകള്‍ പറഞ്ഞു.
Latest
മസാല ബോണ്ട് കേസ്; തോമസ് ഐസകിനെതിരായ ഇ ഡി അപ്പീല്‍ ഇന്ന് ഹൈക്കോടതിയില്‍
അവിശ്വാസികള്‍ക്ക് ശരീഅത്ത് ബാധകമാക്കരുത്; ഹരജിയില്‍ കേന്ദ്രത്തിനും കേരളത്തിനും നോട്ടീസ് അയച്ച് സുപ്രീം കോടതി
'ഹില്ലി അക്വ' ഉത്പാദനം ഇനി മലബാറിലും
മോചനദ്രവ്യം സ്വീകരിച്ച് അബ്ദുര്‍റഹീമിന് മാപ്പ് നല്‍കാന്‍ തയ്യാറെന്ന് കുടുംബം കോടതിയില്‍
ഗ്രൗണ്ടുകളായില്ല; ഡ്രൈവിംഗ് ടെസ്റ്റ് പരിഷ്‌കരണത്തില്‍ ഇളവ്
കേരള മുസ്‌ലിം ജമാഅത്ത് സംസ്ഥാന കൗണ്‍സില്‍ ഇന്നും നാളെയും
