National
സ്പ്ടുനിക് വിയുടെ 27.9 ലക്ഷം ഡോസ് വാക്സിന് ഇന്ന് രാജ്യത്ത് എത്തും
ഹൈദരാബാദ് | റഷ്യയുടെ കൊവിഡ് വാക്സിനായി സ്പുട്നിക് വിയുടെ പുതിയ ബാച്ച് ഇന്ന് അര്ധരാത്രിയോടെ രാജ്യത്ത് എത്തും. 27.9 ലക്ഷം ഡോസുകളാണ് എത്തുക.അടുത്ത രണ്ട് മാസത്തിനുള്ളില് മൊത്തം 1.8 കോടി ഡോസുകള് എത്തിക്കാന് സാധിക്കുമെന്നാണ് വാക്സിന് വികസിപ്പിച്ചഗമലേയ റിസര്ച്ച് സെന്റര് നല്കുന്ന സൂചന.
നേരത്തെ രണ്ടു ബാച്ചുകളായി 210,000 ഡോസുകളാണ് ഇന്ത്യയില് എത്തിയത്. ഈ മാസം അവസാനത്തോടെ 30 ലക്ഷം ഡോസ് വാക്സിന് ഹൈദരാബാദില് എത്തുമെന്നാണ് റിപ്പോര്ട്ടുകളുണ്ടായിരുന്നു. ഇതുപ്രകാരം പ്രതീക്ഷിച്ച ഡോസുകളില് ബാക്കിയുള്ള ഡോസുകള് തിങ്കളാഴ്ച രാത്രിയോടെ എത്തുമെന്ന് ഉന്നത കേന്ദ്രങ്ങളെ ഉദ്ധരിച്ച് ദേശീയ മാധ്യമങ്ങള് റിപ്പോര്ട്ട് ചെയ്തു.
നിലവില് ഇന്ത്യയില് വിതരണം ചെയ്യുന്ന കൊവിഡ് പ്രതിരോധ വാക്സിനുകളേക്കാള് കാര്യക്ഷമത കൂടുതലാണ് സ്പുട്നിക്കിന്.ഇന്ത്യയില് ഉപയോഗിക്കാന് അനുമതി നല്കിയ മൂന്നാമത്തെ വാക്സിനുമാണ് സ്പുട്നിക്.