National
സ്പീക്കര്‍ രാഷ്ട്രീയ ഗൂഢാലോചന നടത്തുന്നുവെന്ന്;കര്‍ണാടകയിലെ വിമത എംഎല്‍എമാര്‍ സുപ്രീം കോടതിയില്‍
മുംബൈ: കര്‍ണാടകയില്‍ രാഷ്ട്രീയ പ്രതിസന്ധി തുടരുന്നതിനിടെ കര്‍ണാടക സ്പീക്കര്‍ക്കെതിരെ വിമത എംഎല്‍എമാര്‍ സുപ്രീം കോടതിയെ സമീപിച്ചു. തങ്ങളുടെ രാജി സ്വീകരിക്കുന്നത് വൈകിപ്പിക്കുന്ന സ്പീക്കര്‍ ഭരണഘടനാപരമായ ഉത്തരവാദിത്വം നിറവേറ്റുനിന്നില്ലെന്ന് കാണിച്ചാണ് സ്പീക്കര്‍ കെ ആര്‍ രമേശ് കുമാറിനെതിരെ പരമോന്നത കോടതിയില്‍ ഹരജി സമര്‍പ്പിച്ചിരിക്കുന്നത്. ന്യൂനപക്ഷ സര്‍ക്കാറിന് അധികാരത്തില്‍ തുടരാന്‍ അവസരമൊരുക്കാനാണ് രാഷ്ട്രീയ ഗൂഢാലോചനയുടെ ഭാഗമായി സ്പീക്കര്‍ പ്രവര്‍ത്തിക്കുന്നതെന്നും വിമത എംഎല്‍എമാര്‍ ആരോപിക്കുന്നു. ഹരജി വ്യാഴാഴ്ച പരിഗണിക്കും.
2018ല്‍ സര്‍ക്കാര്‍ രൂപീകരിക്കുന്നതിനായി ഗവര്‍ണര്‍ ബിജെപിയെ ക്ഷണിച്ചത് ചോദ്യം ചെയ്ത് കോണ്‍ഗ്രസ് നല്‍കിയ ഹരജി കോടതി രാത്രിയില്‍ കേട്ടിരുന്നു. ആ കേസില്‍ കക്ഷി ചേരാനുള്ള അപേക്ഷയോടൊപ്പമാണ് വിമത എംഎല്‍എമാര്‍ ഹരജിയുമായി സുപ്രീം കോടതിയെ സമപിച്ചത്. ആ കേസില്‍ ഇതുവരെ വാദം പൂര്‍ത്തിയായിട്ടില്ല. ഇവ രണ്ടും പരിഗണിച്ച് തീര്‍പ്പുണ്ടാക്കണമെന്നാണ് എംഎല്‍എമാര്‍ വാദിക്കുന്നത്. വിമത എംഎല്‍എമാരുടെ രാജിയില്‍ ചട്ടലംഘനമുണ്ടെന്ന് കാണിച്ചാണ് സ്പീക്കര്‍ രാജി സ്വീകരിക്കാതിരിക്കുന്നത് . വിമത എംഎല്‍എമാരുടെ പുതിയ നീക്കം സഖ്യ സര്‍ക്കാറിനെ കൂടുതല്‍ കുരുക്കിലാക്കിയിരിക്കുകയാണ്.
Latest
അബൂദബി അന്താരാഷ്ട്ര പുസ്തക മേള: പിന്നിട്ട വഴികള്‍
ലോക പത്രസ്വാതന്ത്ര്യ ദിനം: കോളജ് വിദ്യാര്‍ഥികള്‍ക്കുള്ള എസ് എസ് എഫ് ഡിബേറ്റ് മത്സരം നാളെ
'പെണ്‍മക്കള്‍ തോറ്റു, ബ്രിജ്ഭൂഷണ്‍ ജയിച്ചു'; ബി ജെ പിക്കെതിരെ ആഞ്ഞടിച്ച് സാക്ഷി മാലിക്
പാലക്കാട് 50കാരന് സോഡാക്കുപ്പികൊണ്ട് കുത്തേറ്റു
ബ്രിജ് ഭൂഷണിന് സീറ്റില്ല; പകരം മകൻ കൈസർഗഞ്ചിൽ സ്ഥാനാർഥി
മേയര്‍ കെഎസ്ആര്‍ടിസി ഡ്രൈവര്‍ തര്‍ക്കം;ഡ്രൈവറുടെ പരാതിയില്‍ ഇടപെട്ട് മനുഷ്യാവകാശ കമ്മീഷന്‍
