Kerala
എല്‍ ഡി എഫ് വടക്കന്‍ മേഖലാ ജാഥ ഇന്ന് തുടങ്ങും
തിരുവനന്തപുരം: ലോക്‌സഭാ തിരഞ്ഞെടുപ്പിന് മുന്നോടിയായി എല്‍ ഡി എഫ് നയിക്കുന്ന വടക്കന്‍ മേഖലാ ജാഥ ഇന്ന് തുടങ്ങും. വൈകുന്നേരം നാലിന് കാസര്‍കോട് ജില്ലയിലെ മഞ്ചേശ്വരം ഉപ്പളയില്‍ നിന്നാരംഭിക്കുന്ന ജാഥ സി പി എം ജനറല്‍ സെക്രട്ടറി സീതാറാം യെച്ചൂരി ഉദ്ഘാടനം ചെയ്യും. സി പി ഐ സംസ്ഥാന സെക്രട്ടറി കാനം രാജേന്ദ്രന്റെ നേതൃത്വത്തിലുള്ള ജാഥ മാര്‍ച്ച് രണ്ടിന് തൃശൂരില്‍ സമാപിക്കും.
സി പി എം കേന്ദ്ര കമ്മിറ്റി അംഗം എം വി ഗോവിന്ദന്‍, എന്‍ പീതാംബരന്‍ (എന്‍ സി പി), രാമചന്ദ്രന്‍ കടന്നപ്പള്ളി (കോണ്‍ഗ്രസ് എസ്), സ്‌കറിയാ തോമസ് (കേരള കോണ്‍ഗ്രസ്), കെ പി മോഹനന്‍ (ലോക് താന്ത്രിക് ജനതാദള്‍), പി ഹംസാജി (ഐ എന്‍ എല്‍), ഫ്രാന്‍സിസ് ജോര്‍ജ് (ജനാധിപത്യ കേരള കോണ്‍ഗ്രസ്), അഡ്വ.പോള്‍ ജോസഫ് (കേരള കോണ്‍ഗ്രസ് ബി) എന്നിവര്‍ ഉദ്ഘാടന സമ്മേളനത്തില്‍ സംസാരിക്കും.
ബി ജെ പി സര്‍ക്കാരിനെ പുറത്താക്കൂ, രാജ്യത്തെ രക്ഷിക്കൂ” എന്ന മുദ്രാവാക്യം ഉയര്‍ത്തിയാണ് ജാഥ. കോടിയേരി ബാലകൃഷ്ണന്‍ നയിക്കുന്ന ജാഥക്ക് ഇന്നലെ തിരുവനന്തപുരം ജില്ലയിലെ രണ്ട് കേന്ദ്രങ്ങളില്‍ സ്വീകരണം നല്‍കി. രാവിലെ പേരൂര്‍ക്കട ജംഗ്ഷനിലും വൈകുന്നേരം കോവളത്തുമാണ് സ്വീകരണം ഒരുക്കിയത്.
Latest
അക്കൗണ്ടില്‍ നിന്ന് പണം നഷ്ടപ്പെട്ടു; ഉടമയ്ക്ക് തുകയും നഷ്ടപരിഹാരവും ബേങ്ക് നല്‍കാന്‍ വിധി
വയറുവേദനയുമായെത്തി; നീക്കം ചെയ്തത് 10 കിലോഗ്രാമിലേറെ ഭാരമുള്ള ഗര്‍ഭാശയ മുഴ
അബൂദബി അന്താരാഷ്ട്ര പുസ്തക മേള: പിന്നിട്ട വഴികള്‍
ലോക പത്രസ്വാതന്ത്ര്യ ദിനം: കോളജ് വിദ്യാര്‍ഥികള്‍ക്കുള്ള എസ് എസ് എഫ് ഡിബേറ്റ് മത്സരം നാളെ
'പെണ്‍മക്കള്‍ തോറ്റു, ബ്രിജ്ഭൂഷണ്‍ ജയിച്ചു'; ബി ജെ പിക്കെതിരെ ആഞ്ഞടിച്ച് സാക്ഷി മാലിക്
പാലക്കാട് 50കാരന് സോഡാക്കുപ്പികൊണ്ട് കുത്തേറ്റു
