Alappuzha
കായംകുളം എസ്എന്‍ഡിപി യൂണിയന്‍ ഓഫീസിലേക്ക് ധര്‍മ്മവേദിയുടെ മാര്‍ച്ച്
കായംകുളം: മൈക്രോഫിനാന്‍സ് പണമിടപാടിലെ ക്രമക്കേടില്‍ പ്രതിഷേധിച്ച് കായംകുളം എസ്എന്‍ഡിപി യൂണിയന്‍ ഓഫീസിലേക്ക് ധര്‍മ്മവേദി പ്രവര്‍ത്തകര്‍ മാര്‍ച്ച് നടത്തി. മാര്‍ച്ച് ധര്‍മവേദി നേതാവ് ഗോകുലം ഗോപാലന്‍ ഉദ്ഘാടനം ചെയ്തു. എസ്എന്‍ഡിപിയുടെ സ്വത്ത് വെള്ളാപ്പള്ളി നടേശന്റെ തറവാട് സ്വത്തല്ലെന്ന് അദ്ദേഹം പറഞ്ഞു.
മൈക്രോഫിനാന്‍സ് വായ്പാ തുക ബാങ്കില്‍ തിരിച്ചടച്ചില്ലന്ന മൂന്ന് എസ്എന്‍ഡിപി ശാഖകള്‍ നല്‍കിയ പരാതിയില്‍ കായംകുളം പോലീസ് ഒരുമാസം മുമ്പ് കേസെടുത്തിരുന്നു. എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശനെ ഒന്നാം പ്രതിയാക്കി വഞ്ചാനക്കുറ്റത്തിനായിരുന്നു കേസെടുത്തത്. എസ്എന്‍ഡിപി കായംകുളം യൂണിയന്‍ പ്രസിഡന്റ് വേലന്‍ചിറ സുകുമാരനെയും സെക്രട്ടറി പ്രദീപ് ലാല്‍, അനില്‍ കുമാര്‍ എന്നിവരെയും കേസില്‍ പ്രതിചേര്‍ത്തിരുന്നു. വായ്പതുക അംഗങ്ങള്‍ കൃത്യമായി യൂണിയന്‍ ഓഫീസില്‍ അടച്ചിട്ടും പലര്‍ക്കും ബാങ്കില്‍ നിന്നും ജപ്തി നോട്ടീസ് വന്നതോടെയാണ് സ്ത്രീകള്‍ അടക്കമുള്ളവരുടെ വലിയ പ്രതിഷേധവും പിന്നീട് പരാതിയും നല്‍കിയത്. ഈ കേസിന്റെ അന്വേഷണം ഇപ്പോള്‍ ക്രൈംബ്രാഞ്ചാണ് നടത്തുന്നത്.
Latest
14കാരിയായ അതിജീവിതയ്ക്ക് ഗര്‍ഭച്ഛിദ്രത്തിന് അനുവാദം നല്‍കിയ ഉത്തരവ് തിരിച്ചുവിളിച്ച് സുപ്രീംകോടതി
പാലക്കാട് ബാന്‍ഡ് മേളത്തിനിടെ ബ്യുഗിള്‍ കലാകാരന്‍ കുഴഞ്ഞു വീണ് മരിച്ചു
സുപ്രീംകോടതി അഡ്വക്കേറ്റ്‌സ് ഓണ്‍ റെക്കോര്‍ഡ് അസോസിയേഷന്‍ അധ്യക്ഷനായി വിപിന്‍ നായരെ തിരഞ്ഞെടുത്തു
പി ജയരാജന്‍ വധശ്രമക്കേസ്; ഏഴ് പ്രതികളെ വിട്ടയച്ച വിധിക്കെതിരെ സര്‍ക്കാര്‍ സുപ്രീം കോടതിയില്‍
മണിപ്പൂരില്‍ സ്ത്രീകളെ അതിക്രമത്തിനിരയാക്കിയ സംഭവം; പോലീസിന് ഗുരുതര വീഴ്ച പറ്റിയെന്ന് സിബിഐ കുറ്റപത്രം
തൃശൂരില്‍ കാണാതായ അമ്മയും കുഞ്ഞും പുഴയില്‍ മരിച്ച നിലയില്‍
