Kozhikode
ജപ്പാന്‍ കുടിവെള്ള പൈപ്പ്: തര്‍ക്കം ഒത്തുതീര്‍പ്പായി
കോഴിക്കോട്: ചേളന്നൂര്‍ എസ് എന്‍ ജി കോളജിന്റെ സ്ഥലത്തിലൂടെ ജപ്പാന്‍ കുടിവെള്ള പദ്ധതിയുടെ പൈപ്പിടുന്നത് സംബന്ധിച്ച് നിലനിന്ന തര്‍ക്കം ഒത്തുതീര്‍പ്പായതായി എം കെ രാഘവന്‍ എം പി അറിയിച്ചു. മുഖ്യമന്ത്രിയുടെ അധ്യക്ഷതയില്‍ ചേര്‍ന്ന യോഗത്തിലാണ് തീരുമാനമായത്. കോളജിന് പിറകിലുള്ള ജലസംഭരണിയിലേക്ക് കോളജിന്റെ വടക്കു ഭാഗത്തിലൂടെ പുതിയ പൈപ്പ് ലൈന്‍ ഇടാന്‍ ആവശ്യമായ സ്ഥലം സര്‍ക്കാര്‍ ഏറ്റെടുക്കും. പുതുതായി ആവശ്യമായ സ്ഥലത്തില്‍ കോളജിന്റെ പരിധിയിലുള്ള 14 സെന്റ് സ്ഥലം എസ് എന്‍ ട്രസ്റ്റ് സൗജന്യമായി വിട്ടുനല്‍കാനും തീരുമാനമായി. ഇതോടൊപ്പം സമീപത്തെ നാല് സ്വകാര്യ വ്യക്തികളുടെ സ്ഥലം കൂടി സര്‍ക്കാര്‍ ഏറ്റെടുക്കും. ധാരണ പ്രകാരം പ്രകാരം ജല അതോററ്റി കോളജിന്റെ വടക്ക് ഭാഗത്തു കൂടി പുതിയ റോഡ് നിര്‍മിച്ചുനല്‍കും. ഈ റോഡ് പൂര്‍ത്തിയാകും വരെ ഇപ്പോള്‍ കോളജ് ക്യാമ്പസിനുള്ളിലൂടെയുള്ള റോഡ് ഉപയോഗിക്കാം. കോളജിന്റെ വടക്ക് ഭാഗത്ത് പുതിയ റോഡ് നിര്‍മിക്കാന്‍ സ്വകാര്യ വ്യക്തികളുടെ സ്ഥലം ഏറ്റെടുക്കുമ്പോള്‍ അര്‍ഹമായ നഷ്ടപരിഹാരം നല്‍കാനും തീരുമാനമായതായി എം പി അറിയിച്ചു.
Latest
വയറുവേദനയുമായെത്തി; നീക്കം ചെയ്തത് 10 കിലോഗ്രാമിലേറെ ഭാരമുള്ള ഗര്‍ഭാശയ മുഴ
അബൂദബി അന്താരാഷ്ട്ര പുസ്തക മേള: പിന്നിട്ട വഴികള്‍
ലോക പത്രസ്വാതന്ത്ര്യ ദിനം: കോളജ് വിദ്യാര്‍ഥികള്‍ക്കുള്ള എസ് എസ് എഫ് ഡിബേറ്റ് മത്സരം നാളെ
'പെണ്‍മക്കള്‍ തോറ്റു, ബ്രിജ്ഭൂഷണ്‍ ജയിച്ചു'; ബി ജെ പിക്കെതിരെ ആഞ്ഞടിച്ച് സാക്ഷി മാലിക്
പാലക്കാട് 50കാരന് സോഡാക്കുപ്പികൊണ്ട് കുത്തേറ്റു
ബ്രിജ് ഭൂഷണിന് സീറ്റില്ല; പകരം മകൻ കൈസർഗഞ്ചിൽ സ്ഥാനാർഥി
