Kerala
എസ് എന്‍ സി ലാവലിന്‍ കേസ് വീണ്ടും മാറ്റി; ഏപ്രില്‍ ആറിന് പരിഗണിക്കും
ന്യൂഡല്‍ഹി | എസ് എന്‍ സി ലാവലിന്‍ കേസ് വീണ്ടും മാറ്റി. ഏപ്രില്‍ ആറിലേക്കാണ് സുപ്രീം കോടതി കേസ് മാറ്റിയത്. സി ബി ഐ അഭിഭാഷകന്റെ അഭ്യര്‍ഥന മാനിച്ചാണ് നടപടി. എന്നാല്‍, കേസ് അടുത്താഴ്ച പരിഗണിക്കണമെന്ന സി ബി ഐയുടെ അപേക്ഷ കോടതി തള്ളി. സോളിസിറ്റര്‍ ജനറല്‍ തുഷാര്‍ മേത്തയുടെ അഭാവമാണ് കേസ് നീട്ടിവെക്കാന്‍ കാരണം. ഇത് 26 ാം തവണയാണ് സി ബി ഐയുടെ അഭ്യര്‍ഥന പ്രകാരം കേസ് മാറ്റിവക്കുന്നത്.
ജസ്റ്റിസ് യു യു ലളിതിന്റെ നേതൃത്വത്തില്‍ ജസ്റ്റിസുമാരായ ഇന്ദിരാ ബാനര്‍ജി, കെ എം ജോസഫ് എന്നിവരടങ്ങിയ ബഞ്ചാണ് കേസ് പരിഗണിച്ചത്. കേസില്‍ വാദം കേള്‍ക്കല്‍ തുടങ്ങുന്ന കാര്യത്തില്‍ ഇന്ന് തീരുമാനം ഉണ്ടാകുമെന്നാണ് കരുതിയിരുന്നത്. വാദത്തിന് തയാറാണെന്ന് സി ബി ഐ സൂചന നല്‍കുകയും ചെയ്തിരുന്നു. വാദങ്ങളുടെ രേഖാമൂലമുള്ള കുറിപ്പ് കോടതി ആവശ്യപ്പെട്ട പ്രകാരം നല്‍കാന്‍ ഇതുവരെ സി ബി ഐക്ക് കഴിഞ്ഞിട്ടില്ല. കൃത്യമായ രേഖകളുള്‍പ്പെടെ ശക്തമായ വാദവുമായി വന്നാല്‍ മാത്രമേ ഹരജി നിലനില്‍ക്കൂവെന്ന് ജസ്റ്റിസ് യു യു ലളിത് നേരത്തെ സി ബി ഐയോട് വ്യക്തമാക്കിയിരുന്നു.
Latest
മേയര്‍ കെഎസ്ആര്‍ടിസി ഡ്രൈവര്‍ തര്‍ക്കം;ഡ്രൈവറുടെ പരാതിയില്‍ ഇടപെട്ട് മനുഷ്യാവകാശ കമ്മീഷന്‍
ഗ്രേറ്റര്‍ നോയിഡയില്‍ പട്ടാപ്പകല്‍ പതിനഞ്ചുകാരനെ തട്ടിക്കൊണ്ടുപോയി
മോദിക്ക് തുറന്ന കത്തുമായി കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാർഗെ
ജീവപര്യന്തം തടവ് ശിക്ഷ അനുഭവിക്കുന്ന 38കാരന്റെ വയറ്റില്‍ നിന്നും ശസ്ത്രക്രിയയിലൂടെ മൊബൈല്‍ഫോണ്‍ നീക്കി
വിജയവാഡയില്‍ കുടുംബാംഗങ്ങളെ കൊലപ്പെടുത്തിയ ശേഷം 40കാരന്‍ തൂങ്ങിമരിച്ചു
വാരണാസിയില്‍ നരേന്ദ്ര മോദിക്കെതിരെ മത്സരിക്കാനൊരുങ്ങി ഹാസ്യ നടന്‍ ശ്യാം രംഗീല
