Local News
കക്കി- ആനത്തോട് ഡാമിന്റെ രണ്ട് ഷട്ടറുകള് തുറന്നു
സീതത്തോട് | ശബരിഗിരി ജല വൈദ്യുത പദ്ധതിയുടെ കക്കി- ആനത്തോട് ഡാമിന്റെ രണ്ട് ഷട്ടറുകള് തുറന്നതായി ജില്ലാ കലക്ടര് പി ബി നൂഹ് അറിയിച്ചു. ഡാമിന്റെ രണ്ട് ഷട്ടറുകള് 25 സെന്റീ മീറ്റര് വീതമാണ് ഉയര്ത്തി അധികജലം പമ്പാ നദിയിലേക്ക് ഒഴുക്കി വിടുന്നത്.
ഷട്ടറുകള് ഉയര്ത്തിയതു മൂലം പമ്പയാറിലെ ജലനിരപ്പ് 10 സെന്റീ മീറ്റര് ഉയര്ന്നേക്കാമെന്നുള്ള സാഹചര്യത്തില് നദിയുടെ തീരത്ത് താമസിക്കുന്നവരും പൊതുജനങ്ങളും സുരക്ഷ ഉറപ്പുവരുത്തണം. നദിയില് ഇറങ്ങുന്നത് ഏതു സാഹചര്യത്തിലും ഒഴിവാക്കണമെന്നും ജില്ലാ കലക്ടര് അറിയിച്ചു.
സംസ്ഥാനത്തെ രണ്ടാമത്തെ വലിയ ജല സംഭരണിയാണ് കക്കി-ആനത്തോട് ഡാം.
---- facebook comment plugin here -----