Covid19
രാഹുല്‍ ഗാന്ധിയുമായി സംസാരിച്ച അതിഥി തൊഴിലാളികളെ പോലീസ് കസ്റ്റഡിയിലെടുത്തെന്ന് കോണ്‍ഗ്രസ്
ന്യൂഡല്‍ഹി | കാല്‍നടയായി സ്വന്തം നാട്ടിലേക്ക് മടങ്ങുന്നതിനിടെ കോണ്‍ഗ്രസ് നേതാവ് രാഹുല്‍ ഗാന്ധിയുമായി കൂടിക്കാഴ്ച നടത്തിയ അതിഥി തൊഴിലാളികളെ പോലീസ് കസ്റ്റഡിയിലെടുത്തതായി റിപ്പോര്‍ട്ട് . ഹരിയാണയിലെ അംബാലയില്‍ നിന്ന് ഉത്തര്‍പ്രദേശിലെ ഝാന്‍സിയിലേക്ക് നടക്കുകയായിരുന്ന ഒരു കൂട്ടം തൊഴിലാളികളെയാണ് ഡല്‍ഹി പോലീസ് കസ്റ്റഡിയിലെടുത്തതെന്ന് കോണ്‍ഗ്രസ് ആരോപിച്ചു.
ഡല്‍ഹി- ഫരീദാബാദ് അതിര്‍ത്തിക്കടത്തുള്ള സുഖ്‌ദേവ് വിഹാറിലാണ് രാഹുല്‍ ഗാന്ധി കുടിയേറ്റ തൊഴിലാളികളുമായി സംവദിച്ചത്. അതേ സമയം ഡല്‍ഹി പോലീസ് സംഭവത്തില്‍ പ്രതികരിച്ചട്ടില്ല.
കുടിയേറ്റക്കാരെ മുകളില്‍ നിന്നുള്ള നിര്‍ദേശപ്രകാരം കരുതല്‍തടങ്കലിലാക്കിയെന്നാണ് കോണ്‍ഗ്രസ് ആരോപിക്കുന്നത്. 20 ലക്ഷം രൂപയുടെ സാമ്പത്തിക പാക്കേജില്‍ പ്രധാനമന്ത്രി പുനഃപരിശോധന നടത്തണമെന്നും കുടിയേറ്റ തൊഴിലാളികള്‍ക്ക് നേരിട്ട് പണം കൈമാറണമെന്നും രാഹുല്‍ ഗാന്ധി നേരത്തെ ആവശ്യപ്പെട്ടിരുന്നു. ഭക്ഷണവും വെള്ളവും ഇല്ലാതെ കുടിയേറ്റ തൊഴിലാളികള്‍ റോഡിലിറങ്ങി നടക്കുകയാണ്. അവര്‍ക്ക് നേരിട്ട് പണമെത്തിക്കുകയാണ് വേണ്ടതെന്നും രാഹുല്‍ കൂട്ടിച്ചേര്‍ത്തു.
Latest
കാര്‍ കെ എസ് ആര്‍ ടി സി ബസിന് കുറികെയിട്ടു; മേയറുടെ വാദം പൊളിക്കുന്ന ദൃശ്യങ്ങള്‍ പുറത്ത്
ഉഷ്ണതരംഗ സാധ്യത; പാലക്കാട് ഓറഞ്ച് അലര്‍ട്ട്, രണ്ട് ജില്ലകളില്‍ യെല്ലോ അലര്‍ട്ട്
12 സീറ്റുവരെ ലഭിച്ചേക്കും; ഭരണവിരുദ്ധ വികാരം മറികടക്കാനായെന്നും സിപിഎം വിലയിരുത്തല്‍
കെജ്രിവാളും ഇന്‍സുലിനും: എപ്പോഴാണ് ഒരു വ്യക്തിക്ക് ഇന്‍സുലിന്‍ ചികിത്സ ആവശ്യമായി വരുന്നത്?
വയനാട് നെല്ലിയമ്പം ഇരട്ടക്കൊലക്കേസില്‍ പ്രതി അര്‍ജുന് വധശിക്ഷ
ദിനാരംഭം തക്കാളിയോടൊപ്പം ആകട്ടെ
