Ongoing News
സണ്‍ റൈസേഴ്‌സിനെ കാന്‍ വില്ല്യംസണ്‍ നയിക്കും
ഹൈദരാബാദ്: ഐപിഎല്‍ ടീമായ സണ്‍റൈസേഴ്‌സ് ഹൈദരാബാദിനെ ന്യൂസിലാന്‍ഡ് താരം കാന്‍ വില്ല്യംസണ്‍ നയിക്കും. പന്ത് ചുരണ്ടല്‍ വിവാദത്തില്‍ അകപ്പെട്ട ആസ്‌ത്രേലിയന്‍ താരം ഡേവിഡ് വാര്‍ണര്‍ കഴിഞ്ഞ ദിവസം ക്യാപ്റ്റന്‍ സ്ഥാനം രാജിവെച്ചിരുന്നു. ഇതിന് പിന്നാലെയാണ് വില്ല്യംസണെ പുതിയ ക്യാപ്റ്റനായി പ്രഖ്യാപിച്ചത്. ഭുവനേശ്വര്‍ കുമാറാണ് വൈസ് ക്യാപ്റ്റന്‍.
വാര്‍ണറെ ക്രിക്കറ്റ് ആസ്‌ത്രേലിയ ഒരു വര്‍ഷത്തേക്ക് വിലക്കിയിരുന്നു. അതിനാല്‍, താരത്തിന് ഈ ഐ പി എല്‍ സീസണില്‍ കഴിക്കാനും കഴിയില്ല. തന്നെ ക്യാപ്റ്റനായി തിരഞ്ഞെടുത്തത് ഏറെ സന്തോഷം പകരുന്നതായും വെല്ലുവിളി ഏറ്റെടുക്കാനുള്ള ആവേശത്തിലാണെന്നും വില്ല്യംസണ്‍ പറഞ്ഞു.
2015ല്‍ ശിഖര്‍ ധവാന് പകരമായാണ് വാര്‍ണറെ ക്യാപ്റ്റനായി നിയോഗിച്ചത്. ആ സീസണില്‍ ടീം കിരീടം നേടുകയും ചെയ്തു. 2016 സീസണില്‍ 848 റണ്‍സ് അടിച്ചൂകൂട്ടിയ വാര്‍ണര്‍ സീസണിലെ രണ്ടാമത്തെ റണ്‍വേട്ടക്കാരനുമായി. 2015ലാണ് ന്യൂസിലാന്‍ഡ് ക്യാപ്റ്റനായ വില്ല്യംസണ്‍ സണ്‍റൈസേഴ്‌സിന്റെ ഭാഗമായത്. ഈ സീസണിലെ ഏക വിദേശ ക്യാപ്റ്റന്‍ കൂടിയാണ് വില്ല്യംസണ്‍.
നേരത്തെ, രാജസ്ഥാന്‍ റോയല്‍സ് ക്യാപ്റ്റന്‍ സ്ഥാനത്ത് നിന്ന് സ്റ്റീവ് സ്മിത്തും രാജിവെച്ചിരുന്നു. അജിങ്ക്യ രഹാനെയാണ് പുതിയ ക്യാപ്റ്റന്‍.
Latest
ഹെലികോപ്ടര്‍ തകര്‍ന്ന് ഒമ്പത് കൊളംബിയന്‍ സൈനികര്‍ കൊല്ലപ്പെട്ടു
പതഞ്ജലിയുടെ 14 ഉല്‍പന്നങ്ങളുടെ ലൈസന്‍സ് റദ്ദാക്കി ഉത്തരാഖണ്ഡ് ലൈസന്‍സിങ് അതോറിറ്റി
എറണാകുളം സൗത്തില്‍ നിര്‍മാണ പ്രവര്‍ത്തനം; നാല് ട്രെയിനുകള്‍ റദ്ദാക്കി
സിദ്ധാര്‍ത്ഥന്റെ മരണം; ഏഴ് പ്രതികളുടെ ജാമ്യാപേക്ഷ ഹൈക്കോടതി ഇന്ന് പരിഗണിക്കും
മസാല ബോണ്ട് കേസ്; തോമസ് ഐസകിനെതിരായ ഇ ഡി അപ്പീല്‍ ഇന്ന് ഹൈക്കോടതിയില്‍
അവിശ്വാസികള്‍ക്ക് ശരീഅത്ത് ബാധകമാക്കരുത്; ഹരജിയില്‍ കേന്ദ്രത്തിനും കേരളത്തിനും നോട്ടീസ് അയച്ച് സുപ്രീം കോടതി
