Kerala
വില കുറയ്ക്കാനാകില്ലെന്ന് പൗള്ട്രി ഫെഡറേഷന് ജനങ്ങളോടുള്ള വെല്ലുവിളിയെന്ന് ധനമന്ത്രി
തിരുവനന്തപുരം: ജിഎസ്ടി നിലവില് വന്നതിന് ശേഷമുള്ള വില ഏകീകരണത്തിനായി പൗള്ട്രി ഫെഡറേഷന് സര്ക്കാറുമായി നടത്തിയ ചര്ച്ച പരാജയപ്പെട്ടു. 87 രൂപയാക്കി കോഴിയിറച്ചിയുടെ വില കുറയ്ക്കണം എന്ന സര്ക്കാറിന്റെ വാദം അംഗീകരിക്കാനാകില്ലെന്നും. ഇത് വ്യാപാരികളെ കടക്കാരാക്കുമെന്നും ഇവര് പറയുന്നു. എന്നാല് തമിഴ്നാട് ഉല്പാദകര് വിലക്കുറയ്ക്കാമെന്ന് പറഞ്ഞിട്ടും അംഗീകരിക്കാന് തയ്യാറാകാത്തത് സര്ക്കാറിനോടും ജനങ്ങളോടുമുള്ള വെല്ലുവിളിയാണെന്ന് ധനമന്ത്രി തോമസ് ഐസക് മാധ്യമ പ്രവര്ത്തകരോട് പറഞ്ഞു. വിലവര്ധനവിന് പിന്നില് വന് ലോബികളാണെന്നും നികുതി വെട്ടിപ്പ് പരിശോധിക്കുമെന്നും ധനമന്ത്രി പറഞ്ഞു.
അതേ സമയം നാളെമുതല് കട അടച്ചിട്ട് പ്രതിഷേധിക്കുമെന്നും സര്ക്കാര് വിളിച്ചാല് ഇനിയും ചര്ച്ചക്ക് തയ്യാറാണെന്നും വ്യാപാരികള് അറിയിച്ചു.
---- facebook comment plugin here -----