Ongoing News
സൂക്തങ്ങള്‍ മണിമുത്തുകളായി; റാശിദ് ഒന്നാമനായി
കോഴിക്കോട്: മുഹമ്മദ് റാശിദിന്റെ ചുണ്ടില്‍ നിന്നും ഖുര്‍ആന്റെ മനോഹരമായ സൂക്തങ്ങള്‍ മണിമുത്തുപോലെ പൊഴിഞ്ഞപ്പോള്‍ സദസ്സ് അതില്‍ അലിഞ്ഞു; ജൂറിമാരുടെ മനംനിറഞ്ഞു. കുറ്റിയാടി ഗവ. ഹൈസ്‌കൂള്‍ വിദ്യാര്‍ഥിയായ മുഹമ്മദ് റാശിദ് സംസ്ഥാന സ്‌കൂള്‍ കലോത്സവത്തില്‍ തീര്‍ത്തും താരമായി മാറുകയായിരുന്നു. എച്ച് എസ് ഖുര്‍ആന്‍ പാരായണത്തില്‍ എ ഗ്രേഡോടെ ഒന്നാം സ്ഥാനം നേടിയ കൊല്ലം സ്വദേശിയായ റാശിദ് കുറ്റിയാടി സിറാജുല്‍ ഹുദയില്‍ താമസിച്ചാണ് പഠനം നടത്തുന്നത്. ആത്മീയ- ഭൗതിക വിദ്യാഭ്യാസങ്ങള്‍ ഒരുപോലെ പകര്‍ന്ന് നല്‍കുന്ന സിറാജുല്‍ ഹുദയിലെ പഠന അന്തരീക്ഷമാണ് തന്റെ നേട്ടത്തിന് പിന്നിലെന്ന് റാശിദ് പറഞ്ഞു. കൊല്ലം പള്ളിമുക്ക് പുത്തന്‍പുരയില്‍ അബ്ദുല്‍ റഹീമിന്റെയും ആമിനയുടെയും മകനായ റാശിദ് ആദ്യമായാണ് സംസ്ഥാന സ്‌കൂള്‍ കലോത്സവത്തില്‍ പങ്കെടുക്കുന്നത്. നേരത്തെ എസ് എസ് എഫ് സാഹിത്യോത്സവില്‍ പങ്കെടുത്ത് സമ്മാനങ്ങള്‍ നേടിയിട്ടുണ്ട്.
Latest
മേയര്‍ കെഎസ്ആര്‍ടിസി ഡ്രൈവര്‍ തര്‍ക്കം;ഡ്രൈവറുടെ പരാതിയില്‍ ഇടപെട്ട് മനുഷ്യാവകാശ കമ്മീഷന്‍
ഗ്രേറ്റര്‍ നോയിഡയില്‍ പട്ടാപ്പകല്‍ പതിനഞ്ചുകാരനെ തട്ടിക്കൊണ്ടുപോയി
മോദിക്ക് തുറന്ന കത്തുമായി കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാർഗെ
ജീവപര്യന്തം തടവ് ശിക്ഷ അനുഭവിക്കുന്ന 38കാരന്റെ വയറ്റില്‍ നിന്നും ശസ്ത്രക്രിയയിലൂടെ മൊബൈല്‍ഫോണ്‍ നീക്കി
വിജയവാഡയില്‍ കുടുംബാംഗങ്ങളെ കൊലപ്പെടുത്തിയ ശേഷം 40കാരന്‍ തൂങ്ങിമരിച്ചു
വാരണാസിയില്‍ നരേന്ദ്ര മോദിക്കെതിരെ മത്സരിക്കാനൊരുങ്ങി ഹാസ്യ നടന്‍ ശ്യാം രംഗീല
