Gulf
യു എ ഇയില്‍ ഇന്ന് മുതല്‍ സര്‍ക്കാര്‍, അര്‍ധ സര്‍ക്കാര്‍ ഓഫീസുകളില്‍ ഹാജര്‍ നില 30 ശതമാനം
അബൂദബി | ഇന്ന് മുതല്‍ എമിറേറ്റിലെ സര്‍ക്കാര്‍, അര്‍ധ സര്‍ക്കാര്‍ സ്ഥാപനങ്ങളിലെ ഹാജര്‍ നില 30 ശതമാനമാക്കി കുറയ്ക്കാന്‍ അബൂദബി ഡിപ്പാര്‍ട്ട്‌മെന്റ് ഓഫ് ഗവണ്‍മെന്റ് തീരുമാനിച്ചു. എമിറേറ്റിലെ കൊവിഡ് -19 പ്രതിരോധ പ്രവര്‍ത്തനങ്ങള്‍ ശക്തമാക്കുന്നതിന്റെ ഭാഗമായും ജീവനക്കാരുടെയും കുടുംബാംഗങ്ങളുടെയും സുരക്ഷ ഉറപ്പാക്കുന്നതിനുമായാണ് ഹാജര്‍നില കുറയ്ക്കുന്നത്.
സര്‍ക്കാര്‍ മേഖലയിലെ സ്ഥാപനങ്ങളില്‍ ഹാജര്‍ നില കുറയ്ക്കുന്നതിനോടൊപ്പം ഏതാനും മേഖലകളില്‍ വര്‍ക്ക് അറ്റ് ഹോം സമ്പ്രദായം ഏര്‍പ്പെടുത്താനും അധികൃതര്‍ തീരുമാനിച്ചിട്ടുണ്ട്. 60ന് മുകളില്‍ പ്രായമുള്ള ജീവനക്കാര്‍, വികലാംഗര്‍, വിട്ടുമാറാത്ത ആരോഗ്യ പ്രശ്നങ്ങളുള്ള ജീവനക്കാര്‍, രോഗപ്രതിരോധ ശേഷി കുറഞ്ഞ ജീവനക്കാര്‍ എന്നിവര്‍ക്ക് ഓഫീസില്‍ നേരിട്ടെത്താതെ നിര്‍വഹിക്കാനാകുന്ന എല്ലാ ജോലികളും വിദൂര സമ്പ്രദായത്തിലൂടെ അനുവദിക്കും.
പുറമെ, എല്ലാ ജീവനക്കാര്‍ക്കും ആഴ്ചതോറും പി സി ആര്‍ പരിശോധന നിര്‍ബന്ധമാണ്. വാക്സിന്‍ പരീക്ഷണങ്ങളുടെ ഭാഗമായോ ദേശീയ വാക്സിനേഷന്‍ പദ്ധതിയുടെ ഭാഗമായോ വാക്സിന്‍ കുത്തിവെപ്പ് സ്വീകരിച്ചിട്ടുള്ള ജീവനക്കാര്‍ക്ക് (അല്‍ ഹുസ്ന്‍ ആപ്പില്‍ ഇത് സൂചിപ്പിക്കുന്ന ഗോള്‍ഡ് സ്റ്റാര്‍ അല്ലെങ്കില്‍ ഇ ചിഹ്നം നിര്‍ബന്ധം) പി സി ആര്‍ പരിശോധനയില്‍ ഇളവ് അനുവദിക്കും.
Latest
ജീവപര്യന്തം തടവ് ശിക്ഷ അനുഭവിക്കുന്ന 38കാരന്റെ വയറ്റില്‍ നിന്നും ശസ്ത്രക്രിയയിലൂടെ മൊബൈല്‍ഫോണ്‍ നീക്കി
വിജയവാഡയില്‍ കുടുംബാംഗങ്ങളെ കൊലപ്പെടുത്തിയ ശേഷം 40കാരന്‍ തൂങ്ങിമരിച്ചു
വാരണാസിയില്‍ നരേന്ദ്ര മോദിക്കെതിരെ മത്സരിക്കാനൊരുങ്ങി ഹാസ്യ നടന്‍ ശ്യാം രംഗീല
മുന്നറിയിപ്പില്ലാതെ അവധിയെടുത്തു; 14 കെഎസ്ആര്‍ടിസി ജീവനക്കാര്‍ക്കെതിരെ അച്ചടക്ക നടപടി
കോഴിക്കോട് സൂര്യാതപമേറ്റ് ചികിത്സയിലായിരുന്ന പെയിന്റിങ് തൊഴിലാളി മരിച്ചു
എസ്എൻസി ലാവ്‍ലിൻ കേസ് സുപ്രീംകോടതി ഇന്നും പരിഗണിക്കില്ല
